Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan Prezıdenti Úndistannyń saýda-ekonomıkalyq platformasyn qurý bastamasyn qoldady

2022 jyldyń 27 qańtar 2022 18:26

NUR-SULTAN. QazAqparat – Qazaqstanǵa Úndistan eksportyn keńeıtý múmkindigin qaraýǵa daıynbyz. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Bizdiń birlesken kúsh-jigerimiz ózara saýdany arttyrýdyń mol múmkindikterin júzege asyrýǵa baǵyttalýy tıis. Ókinishke qaraı, Úndistannyń syrtqy taýar aınalymyndaǵy Ortalyq Azııa elderiniń úlesi bir paıyzǵa da jetpeıtindigin atap ótkim keledi. Sondyqtan úndi tarapynyń Saýda jáne ındýstrııa mınıstrleri deńgeıinde saýda-ekonomıkalyq platforma qurý bastamasy óte ózekti. Biz bul bastamany qoldaımyz», - dep atap ótti Qasym-Jomart Toqaev «Úndistan – Ortalyq Azııa» sammıti barysynda.

QR Prezıdentiniń atap ótýinshe, atalǵan saýda-ekonomıkalyq platformada ázirlengen usynystardy naqty baǵdarlamalar men jobalarǵa transformatsııalaýǵa bolady.

«Óz kezeginde Qazaqstan olardy birlesip is júzinde júzege asyrý úshin qajetti qarjyǵa ıe. Atap aıtqanda, biz 600 mln dollar somaǵa 80 taýar ataýynan turatyn tizilim jasaqtadyq. Ony taıaý ýaqyttyń ishinde úndi tarapyna jibere alamyz. Qazaqstanǵa Úndistan eksportyn keńeıtý múmkindigin qaraýǵa daıynbyz. Osyǵan oraı árbir eldiń básekelestik basymdyǵyn eskere otyryp, saýda aǵynyn arttyrý boıynsha jospar ázirleý usynylady», - dedi QR Prezıdenti.


Joǵary qaraı