Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan Prezıdenti Túrkııa Uly ulttyq jınalysynyń tóraǵasyn qabyldady

2021 jyldyń 27 qyrkúıek 2021 13:24

NUR-SULTAN. QazAqparat – Qazaqstan Prezıdenti Túrkııa Uly ulttyq jınalysynyń tóraǵasy Mustafa Shentopty qabyldady, dep habarlaıdy Aqordanyń baspasóz qyzmeti.

Memleket basshysy Qasym-Jomart Toqaev álemde qubylmaly jaǵdaı qalyptassa da, túrkitildes memleketteri yntymaqtastyǵynyń óte mańyzdy ekenin atap ótti

– Álemdegi qubylmaly jaǵdaıdy eshkim dóp basyp boljaı almaı otyr. Osyǵan qaramastan, bizdiń elderimiz arasyndaǵy qarym-qatynastar oıdaǵydaı damyp keledi. Qazaqstan men Túrkııa arasyndaǵy qatynastar ózara senimge, dostyqqa negizdelgen, – dedi Qazaqstan Prezıdenti.




Qasym-Jomart Toqaev Túrkııanyń halyqaralyq arenadaǵy bedeliniń artyp kele jatqanyna toqtalyp, baýyrlas eldiń jetistigine qýanatynyn jetkizdi. Sonymen qatar Memleket basshysy eki el arasyndaǵy yntymaqtastyqtyń bolashaǵyn joǵary baǵalady.




Mustafa Shentop Qazaqstanǵa jasaǵan sapary aıasynda qabyldaǵany úshin Qasym-Jomart Toqaevqa alǵys bildirip, Túrkııa Prezıdenti Rejep Taııp Erdoǵannyń sálemin jetkizdi. Sondaı-aq ol álemdik pandemııaǵa baılanysty betpe-bet kezdesýlerdiń shektelgenine qaramastan, eki eldiń qarym-qatynasy joǵary deńgeıde ekenin atap ótti.

– Qarasha aıynda bizdiń elde ótetin Túrki keńesi elderiniń sammıtinde túrki áleminiń birligi men yntymaqtastyǵyn odan ári keńeıtý jóninde birqatar mańyzdy sheshim qabyldanady degen úmittemiz. Ózińizdi sol sammıtte kútemiz, – dedi Túrkııa Uly ulttyq jınalysynyń tóraǵasy.





Basty sózder: Qazaqstan Prezıdenti, Qoǵam,
Joǵary qaraı