Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan Pfizer jáne BioNTech kompanııalarynyń vaktsınasyn satyp ala ma

2020 jyldyń 10 qarasha 2020 12:07

NUR-SULTAN. QazAqparat – QR DSM sanıtarlyq-epıdemıologııalyq baqylaý komıteti tóraǵasynyń orynbasary Nurlybek Asylbekov Pfizer jáne BioNTech kompanııalarynyń jańa vaktsınasyn satyp alýǵa qatysty pikir bildirdi, dep habarlaıdy QazAqparat tilshisi.

«Ózderińiz bilesizder, bul jaıynda buqaralyq aqparat quraldarynda keshe ǵana jarııalandy. Densaýlyq saqtaý mınıstrligi tarapynan bul másele shuǵyl túrde pysyqtalady. Osy baǵytta biz keshende qadamdardy eskerip otyrmyz, sebebi otandyq vaktsına bar, sondaı-aq reseılik ári ózge de ekpeler tekserýden ótýde. Atalǵan vaktsına tirkeýlen ótkennen keıin, osy baǵytta tıisti sharalardy iske asyramyz. Bul rette Pfizer kompanııasymen jáne teń quryltaıshysymen qajetti jumystardy júrgizemiz», - dedi Asylbekov Ortalyq kommýnıkatsııalar qyzmetinde.

Budan buryn habarlanǵandaı, aldyn ala nátıje kórsetkendeı, ǵalymdar koronavırýstan 90% qorǵaıtyn tıimdi vaktsınany jasap shyǵardy.

Pfizer jáne BioNTech ázirleýshi kompanııalar bul oqıǵany ǵylym men adamzat úshin uly kún dep atady. Klınıkalyq synaqtarǵa álemniń alty elinde 43500 adam qatysyp, onyń esh janama áseri bolmady. Ázirleýshiler jańa vaktsınany qarasha aıynyń sońynda qoldanyp kórmek. Sol úshin jedel sertıfıkattaý protsedýrasyna ótinish berýdi josparlap otyr


Joǵary qaraı