Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan-Ózbekstan shekarasynda Halyqaralyq ónerkásip ortalyǵy ashylady

2021 jyldyń 6 jeltoqsan 2021 17:42

NUR-SULTAN. QazAqparat - Qazaqstandyq iri qurylys kompanııasy Tashkentte jeke yqshamaýdannyń qurylysyn júrgizýdi josparlap otyr. Bul týraly Qazaqstan men Ózbekstan prezıdentteri BAQ ókilderi úshin ótkizgen brıfıngte aıtyldy, dep habarlaıdy QazAqparat.

«Biz birqatar irgeli jobany iske qosýǵa ýaǵdalastyq. Atalǵan jobalar myńdaǵan jańa jumys ornyn ashýǵa baǵyttalǵan jáne eki eldiń de azamattaryna áleýmettik qoldaý kórsetý isine qomaqty úles qosady. Mysaly, «Qazfosfat» kompanııasy Tashkent oblysynda quny shamamen 1 mıllıard dollar bolatyn fosforly jáne keshendi tyńaıtqyshtar shyǵaratyn zaýyttyń qurylysyna qyzyǵýshylyq bildirdi. Qazaqstandyq «BI group» iri qurylys kompanııasy Tashkentte jeke yqshamaýdannyń qurylysyn júrgizýdi josparlap otyr. Osy maqsatpen 1,2 mıllıard dollar qarjy salmaq. Elimizdiń avtomobıl ónerkásibindegi kóshbasshy «Astana-Motors» kompanııasy Ózbekstanda «Hyundai» avtokóligin óndiretin kásiporyn ashýǵa daıyn. Eki memlekettiń shekarasynda Halyqaralyq ónerkásip kooperatsııasy ortalyǵynyń tez arada iske qosylýy mýltıplıkatıvti turǵydan tıimdiligi zor bolady ári paıda ákeledi. Atalǵan mekeme Ortalyq Azııadaǵy iri saýda-ónerkásip habyna aınalmaq. Ol ekijaqty ǵana emes, sondaı-aq aımaqtyq kólemdegi saýdany damytýǵa yqpal etip, aradaǵy kólik-logıstıkalyq múmkindikterdi keńeıte túsedi. Osyǵan baılanysty úkimetterge atalǵan nysandy tez arada salýdy tapsyrdyq», – dedi Qasym-Jomart Toqaev.

Prezıdenttiń aıtýynsha, Qazaqstan men Ózbekstan Eýrazııadaǵy mańyzdy saýda-kólik dálizderiniń toǵysynda ornalasqan. Taraptar osy baǵytty odan ári damytý úshin strategııalyq mańyzy bar birqatar jobanyń júzege asyrylýyn jyldamdatýǵa ýaǵdalasty.


Joǵary qaraı