Aýa raıy
Astana 17 °S
Almaty 16 °S
valıýta baǵamy
USD 412.55
EUR 468.66
RUB 5.79
CNY 58.80

Qazaqstan OPEK+ kelisimi aıasynda óz mindetterin oryndaıdy

2020 jyldyń 15 shilde 2020 23:06

NUR-SULTAN. QazAqparat - Búgin OPEK+ birlesken monıtorıng komıtetiniń otyrysy ótti, dep habarlaıdy QazAqparat QR Energetıka mınıstrliginiń baspasóz qyzmetine silteme jasap.

Buǵan deıin OPEK+ qatysýshy elder arasynda 2020 jyldyń mamyr-shilde aılarynda munaı óndirýdi táýligine 9,7 mln barrelge deıin ujymdyq qysqartý týraly kelisimge qol qoıylǵan edi.

«OPEK+ birlesken monıtorıng komıteti otyrysynda 2020 jyldyń maýsym aıynda memleketterdiń oryndaǵan mindetteri qorytyndylandy.

Qatysýshylar kelisimniń álemdik munaı ındýstrııasyna oń yqpal etkenin atap ótti.

Ár túrli sebeptermen óz mindetterin tolyq oryndaı almaǵan birqatar elder munaı óndirý kólemin qosymsha qysqartýǵa daıyn ekenderin aıtty», delingen habarlamada.

Mınıstrliktiń málimdeýinshe, Qazaqstan óz kezeginde mindettemelerdi oryndaýǵa daıyn. «Buǵan deıin memleket ókilderi OPEK+ hatshylyǵyna mamyr aıynyń alǵashqy 12 kúninde elde salanyń ınerttiligine baılanysty munaı artyq óndirilgenin habarlaǵan bolatyn.

OPEK+ kelisiminiń talaptary boıynsha bıyl tamyz aıynda munaı óndirý kólemin ujymdyq qysqartýdy táýligine 9,7 mln barrelden 7,7 mln barrelge deıin azaıtý qarastyrylǵan», delingen habarlamada.

Eske sala ketsek, 18 maýsymda ótken OPEK+ mınıstrlik monıtorıng komıtetiniń otyrysynda QR Energetıka mınıstri Nurlan Noǵaev mamyr aıynda OPEK + kelisimi aıasynda Qazaqstannyń mindettemelerin oryndaýy 71% quraǵanyn atap ótti.

Joǵary qaraı