Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan OPEK+ kelisimi aıasynda munaı óndirýdi arttyrady

2021 jyldyń 18 shilde 2021 19:31

NUR-SULTAN. QazAqparat - 18 shildede OPEK+ kelisimine qatysýshy elderdiń mınıstrler otyrysy beınekonferentsııa formatynda ótti. Qazaqstan tarapynan otyrysqa Energetıka mınıstri Nurlan Noǵaev qatysty, dep habarlaıdy QazAqparat Energetıka mınıstrligine silteme jasap.

QR Energetıka mınıstri Nurlan Noǵaev óz sózinde OPEK+ kelisimi sheńberinde qabyldanǵan sharalar arqasynda álemdik munaı naryǵyndaǵy jaǵdaı jaqsy jaqqa ózgergendigin atap ótti. Qazaqstan kelisimge qatysýshy elderdiń aǵymdaǵy óndiris kólemin ulǵaıtýdy jaqtady.

«Kezdesýdiń qorytyndysy boıynsha OPEK+ elderi munaı óndirýdiń qazirgi deńgeıin kelisimge qatysýshylar 5,8 mln barrel deńgeıindegi táýliktegi shekteýdi alǵanǵa deıin, aı saıyn táýligine 400 myń barrelge ujymdyq ulǵaıtý týraly sheshim qabyldandy.
Sonymen birge 2021 jyldyń jeltoqsan aıynda qatysýshylar arasynda naryqtyń jaı-kúıin jáne ary qaraı júrgiziletin yqtımal sharalardy talqylaý úshin keńester ótkizý týraly sheshim qabyldandy», delingen habarlamada.
Osylaısha, OPEK+ sheńberindegi Qazaqstan úshin mindettemeler tamyz aıynda táýligine 1,491 mln barrel, sonymen birge aı saıyn ortasha eseppen táýligine 16 myń barrelge ulǵaıyp otyrady.


Joǵary qaraı