Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan munaı óndirýdi arttyrady

2021 jyldyń 4 qazan 2021 21:33

NUR-SULTAN. QazAqparat – Búgin beınekonferentsııa formatynda OPEK+ kelisimine qatysýshy elderdiń mınıstrlik otyrysy ótti, dep habarlaıdy QazAqparat QR Energetıka mınıstrliginiń baspasóz qyzmetine silteme jasap.

Otyrysqa Qazaqstan atynan Energetıka mınıstri Maǵzum Myrzaǵalıev qatysty.

M.Myrzaǵalıev Qazaqstannyń OPEK+ kelisimine beriktigin jáne óz mindettemelerin oryndaýǵa daıyndyǵyn rastady.

Sondaı-aq Energetıka mınıstri Qazaqstan aldaǵy aılarda óndiristi odan ári birtindep arttyratynyn atap ótti.

«Otyrys qorytyndysy boıynsha OPEK+ elderiniń aǵymdaǵy óndirý deńgeıin kelisimge qatysýshylar shekteýlerdi alyp tastaǵanǵa deıin aı saıyn táýligine 400 myń barrelge ujymdyq arttyrý týraly sheshim qabyldandy.

Osylaısha, OPEK+ sheńberinde Qazaqstan úshin kvota qazanda táýligine 1,524 mln barreldi quraıdy jáne aı saıyn óndirý ortasha eseppen táýligine 16 myń barrelge artatyn bolady», - delingen vedomstvo habarlamasynda.

Málim etilgendeı, Qazaqstan úshin kvota qarashada táýligine 1,540 mln barrel bolyp belgilengen.

Joǵary qaraı