Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan mobıldi ınternet jyldamdyǵy boıynsha reıtıngte bir jylda 15 satyǵa kóterildi

2021 jyldyń 21 shilde 2021 11:31

NUR-SULTAN. QazAqparat – Qazaqstan mobıldi ıneternet jyldamdyǵy boıynsha álemdik reıtıngte Malaızııanyń aldyna shyǵyp, 80 orynǵa taban tiredi, dep habarlaıdy QazAqparat.

Finprom.kz resýrsynyń jazýynsha, Qazaqstan mobıldi ınternet jyldamdyǵy boıynsha Reseı men Malaızııanyń adyna shyqqan. Bir jylda eldegi mobıldi ınternet jyldamdyǵy 42% artqan.

Tipti sońǵy bir aıdyń ózinde Qazaqstan pozıtsııasyn 5 pýnk boıynsha, bir jylda birden 15 satyda jaqsaryp, 80-orynǵa taban tiregen.

«Mobıldi ınternettiń jyldamdyǵy 30,18 Mbıt/s-qa jetti. Ótken jyldyń maýsym aıynda 21,25 Mbıt/s bolatyn. Jyldamdyqtyń artýy jylyna 42% quraıdy. Aıta ketý kerek, ınternet baılanysynyń jyldamdyǵy qatarynan tórtinshi aıda údemeli qarqynmen ósip otyr», - dep jazady Finprom.kz.

TMD elderiniń ishinde Qazaqstanda mobıldi ınternettiń jyldamdyǵy Reseı, Qyrǵyzstan, Ózbekstan, Belarýs, Tájikstanǵa qaraǵanda joǵary. Sondaı-aq, reıtıngte Malaızııa, Egıpet, Úndistan, Venesýela sııaqty elderde de mobıldi ıneternettiń jyldamdyǵy Qazaqstannan tómen bolyp shyqqan.

Jalpy álem boıynsha mobıldi ınternettiń ortasha jyldamdyǵy maýsym aıynda 55,34 Mbıt/s bolǵan.

Eń jyldam ınternet BAÁ (193,51 Mbıt/s), Ońtústik Koreıa (180,48 Mbıt/s) jáne Katar (171,76 Mbıt/s) sııaqty elderde tirkelgen.

Al reıtıngtiń eń tómengi satysyndaǵy Aýǵanstanda mobıldi ınternettiń qarqyny 7,37 Mbıt/s.


Joǵary qaraı