Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Reseıdiń soǵys kezinde joǵalǵan adamdardy birlesip izdeý jumysy qalaı júrip jatyr

2021 jyldyń 24 qyrkúıek 2021 15:11

NUR-SULTAN. QazAqparat – ІІ Dúnıejúzilik soǵys kezinde Otandy qorǵaýǵa attanǵan kóptegen qazaqstandyqtar elge oralmady. Araǵa kóp jyldar salyp Jeńistiń 80 jyldyq mereıtoıy qarsańynda elimiz Reseımen birlesip soǵys kezinde is-tússiz joǵalyp ketken maıdanǵa attanǵan adamdardy izdep, tabý jumysyn qolǵa alyp jatyr, dep habarlaıdy QazAqparat tilshisi.

Osy oraıda eki el qalaı birlespe jáne kórshi elde adamdardy izdeý jumysy qalaı júrip jatqany týraly «Reseıdiń izdeý qozǵalysy» (Poıskovogo dvıjenııa Rossıı) qoǵamdyq qozǵalysynyń jetekshisi Elena Tsýnaeva aıtyp berdi.

«Ekijaqty yntymaqtastyqtyń negizi áride jatyr. Qazaqstanǵa kelgende dosymyzdyń úıine barǵan sekildimiz. Qazaqstanda joǵalǵan adamdardy izdeý qyzmeti alǵan qoıylǵan jáne ol «Reseıdiń izdeý qozǵalysy» (Poıskovogo dvıjenııa Rossıı) úshin de mańyzdy. Kóptegen qazaqstandyqtar ortaq Otanymyzdy qorǵaý jolynda mert boldy. Soǵys kezinde iz-tússiz ketkenderdi izdep, eske alý men olardyń artqa qalǵan týystaryn tabýdy uıymdastyrýda Reseı men Qazaqstanǵa yntymaqtastyq qajet-aq», - dedi Elena Tsýnaeva.

Onyń aıtýynsha, atalǵan elde 2013 jyly «Reseıdiń izdeý qozǵalysy» (Poıskovogo dvıjenııa Rossıı) atty qoǵamdyq qozǵalys qurylǵan. Ol búginde dalalyq jáne arhıvtik izdeý qyzmeti salasyndaǵy aýqymdy uıym bolyp otyr.

Sondaı-aq, spıkerdiń málimetinshe, atalǵan qozǵalystyń Reseı boıynsha 1500 bólimshesi bar jáne onda ártúrli jastaǵy 45 myń adam izdeý jumysymen aınalysady. Sol sııaqty Reseıdiń izdeý qozǵalysy qurylǵan 8 jyldyń ishinde 180 myń ásker denesin taýyp qaıta jerlese, odan bólek 25 myń habarsyz áskerdiń aty-jónin anyqtalǵan.

«Men 13 jasymda izdeý jasaǵy quramyna qabyldandym. Alǵashqy ekspedıtsııa 1989 jyly Keńes Odaǵynda ótti. Osy ýaqyt aralyǵynda izdeý qyzmetiniń jumysy aıtarlyq ózgerdi. Aıtar bolsam, Reseıde otandy qorǵaý kezinde qaza tapqandardy eske alý týraly arnaıy zań qabyldandy. Bul joǵalǵan adamdardy izdeýshilerdiń eńbegin memlekettik deńgeıge kóterdi. Biz izdeý jumystaryn memlekettik bılik organdarymen birlesip atqaramyz. Jáne biz adam izdeýden de basqa baǵyttar boıynsha jumys isteımiz», - deıdi ol.

Sonymen qatar, reseılik qoǵamdyq qozǵalys jetekshisi soǵys kezindegi habarsyz ketken adamdardy izdeýde Qazaqstan men Reseıdiń óskeleń urpaǵy jeńistiń ortaq ekenin uǵynýy mańyzdy ekenin eske saldy.

«Búgingi jınalýdaǵy birinshi mindet - sóılesý, qandaı zertteý jumysy júrip jatyr jáne qandaı baǵyt boıynsha birlesýimiz kerek ekenin anyqtap, ózara aqparat almasý. Ekinshi mindet -jumys josparlaryn belgileý. Biz qazaqstandyq izdeýshiler jáne ǵalymdarmen birlesip jumys isteımiz. Sonyń aıasynda Qazaqstanda joǵalǵan adamdarǵa qatysty ekspedıtsııa uıymdastyrý jospary da bar», - dedi E. Tsýnaeva óz sózinde.

Buǵan deıin QR Qorǵanys vıtse-mınıstri Tımýr Dandybaev ІІ Dúnıejúzilik soǵysta habar-osharsyz ketken 7 otandasymyzdyń máıiti tabylǵanyn aıtty.

Onyń málimdeýinshe, joǵalǵandardyń aty-jónderi anyqtalyp, elge jetkizilgen.

Odan bólek, mınıstr orynbasary Germanııadaǵy kontslagerlerde qaza bolǵan 927 otandasymyzdyń tizimi tabylǵanyn jáne búginde olardyń týystaryn izdestirý jumysy júrip jatqanyn málim etti.

Aıta keteıik, búgin elordada Uly Otan soǵysynyń 80 jyldyǵyna arnalǵan «Álemdi qorǵaǵandardy este saqtaý, aqıqatty jetkizý» atty halyqaralyq konferentsııa ótip jatyr.

Shara «Atamnyn Amanaty» qoǵamdyq birlestgi «Reseıdiń izdeý qozǵalysy» jalpyreseılik qoǵamdyq qozǵalysymen birlesip, Prezıdenttik granttar qorynyń qoldaýymen uıymdastyrylyp otyr.


Avtor Álı Ibraev
Basty sózder: Ásker, Qazaqstan tarıhy, Qandastar,
Joǵary qaraı