Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Reseı transshekaralyq qoryq qurmaqshy

2021 jyldyń 10 mamyr 2021 12:27

NUR-SULTAN. QazAqparat – Premer-Mınıstrdiń orynbasary Roman Sklıar Qazaqstannyń bıologııalyq alýandyǵyn saqtaý baǵytyndaǵy sharalar týraly aqpar berdi, dep habarlaıdy QazAqparat tilshisi.

«Qazir Qazaqstannyń bıologııalyq alýandyǵyn saqtaý qaýymdastyǵy Mıhael Zýkkov qorymen birlesip Ortalyq Azııanyń qońyrjaı shólderin saqtaýǵa baǵyttalǵan CADI jobasyn iske asyrýda», - dep jazdy Roman Sklıar depýtattyq saýalǵa bergen jaýabynda.

Atalǵan uıymdar Batys Qazaqstanda qurylǵan tabıǵı rezervat pen Reseıdiń Volgograd oblysyndaǵy «Elton kóli» bıosferalyq qoryǵynyń aýmaǵyn birge qamtıtyn transshekaralyq bıosferalyq qoryq qurý josparyn qoldaýǵa daıyn otyr.

«Tabıǵı rezervat qurylǵannan keıin Reseı Federatsııasymen transshekaralyq qazaq-reseı bıosferalyq qoryǵyn qurý boıynsha kelissózder bastalady», - dep jazady Premer-Mınıstrdiń orynbasary.

Buǵan deıin habarlaǵanymyzdaı, Roman Sklıar depýtattyq saýalǵa bergen jaýabynda Bókeıorda tabıǵı rezervatyn qurý jobasy aıaqsyz qalmaıtynyn málim etken bolatyn.



Foto: pikabu.ru/anton_mostovenko

Avtor Esimjan Naqtybaı
Basty sózder: Parlament, Reseı, Ekologııa,
Joǵary qaraı