Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan men Reseı shekarasyndaǵy kólik keptelisiniń sebebi belgili boldy

2021 jyldyń 31 qazan 2021 13:10

NUR-SULTAN. QazAqparat – Qazaqstan men Reseı shekarasyndaǵy kólik keptelisine qatysty túsinik berildi, dep habarlaıdy QazAqparat.

QR Qarjy mınıstrligi habarlaǵandaı, kólik keptelisi shekaranyń Reseı jaǵynda bolǵan jáne onyń sebebi - karantın talaptarynyń engizilýi.

«30 qazan kúni Qazaqstan men Reseı shekarasynda kórshi el aýmaǵyndaǵy «Býgrıstoe» avtomobılderdi ótkizý beketinde kólik keptelisi boldy. Qazaqstan jaǵynda keptilis bolǵan joq. Kólik keptelisi 30 qazanda Reseıde engizilgen karantın talaptaryna baılanysty. Reseı Federatsııasynyń qaýlysyna sáıkes 30 qazan men 7 qarasha aralyǵy jumys emes kúni bolyp bekitilgen. Osyǵan baılanysty qazaqstandyq jáne reseılik tasymaldaýshylar bizdiń elge baǵyt alǵan», - degen habar taratty mınıstrliktiń baspasóz qyzmeti.

Berilgen aqparatqa súıensek, shekaradaǵy «Qaıraq» avtomobılderdi ótkizý beketinen Reseı jaǵynan kún saıyn shamamen 600 kólik ótedi eken.

Al 30 qazan kúni shekaradan ótken kólikterdiń sany 860-qa jetken.

«30 qazan kúngi saǵat 16:00-degi jaǵdaıǵa sáıkes Reseı jaǵyndaǵy jaǵdaı turaqtaldy. Qazirgi ýaqytta kólik keptelisi joq», - delingen habarlamada.

Odan bólek, mınıstrlik EAEO elderimen shekaradaǵy memlekettik kirister organdary qos (áskerı) maqsattaǵy taýarlardyń, tyıym salýlar men shekteýler engizilgen taýarlardyń, sondaı-aq DSU-ny alý tizbesine engizilgen taýarlardyń ótkizilýine qujattamalyq baqylaýdyń baryn eske salady.

Atalǵan shara 5 mınýttan aspaıdy jáne keptilistiń týyndaýyna esh áseri joq.


Joǵary qaraı