Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Reseı Іshki ister mınıstrleri Máskeýde kezdesti

2021 jyldyń 14 sáýir 2021 02:19

MÁSKEÝ. QazAqparat - Máskeýde Qazaqstan men Reseıdiń Іshki ister mınıstrleri – Erlan Turǵymbaev pen Vladımır Kolokoltsevtiń kezdesýi ótti, dep habarlaıdy QazAqparat mınıstrliktiń baspasóz qyzmetine silteme jasap.

Polıtsııa vedomstvolarynyń basshylary ekijaqty jáne kópjaqty halyqaralyq sharttar negizinde júzege asyrylatyn yntymaqtastyq baǵyttaryn talqylady.

Taraptar qylmystyq ister boıynsha quqyqtyq kómek kórsetý jáne qylmyskerlerdi izdestirý salasyndaǵy yntymaqtastyqtyń tıisti deńgeıin atap ótti.

IT–tehnologııalar salasyndaǵy ózara is-qımyldy arttyrý, ınternet-qylmystarǵa, onyń ishinde pandemııa jaǵdaıynda álemde keńinen taralǵan alaıaqtyqtarǵa qarsy is-qımyl máseleleri qaraldy.

Kezdesýge qatysýshylar esirtki bıznesine qarsy is-qımyl, psıhobelsendi zattar men sıntetıkalyq esirtkilerdiń jańa túrleri týraly jedel aqparat almasý salasyndaǵy isterdiń jaı-kúıin talqylady.

Kóshi-qon baqylaýyn qamtamasyz etýdegi yntymaqtastyq máseleleri qozǵaldy. Karantındik shekteýler kezeńinde memlekettik shekaralardyń jabylýy jaǵdaıynda óz elderine tranzıtpen oralǵan sheteldik azamattardyń jol júrýin uıymdastyrý kezindegi ózara is-qımylǵa joǵary baǵa berildi.

Taraptar avtokólik urlyǵyna qarsy qabyldanyp jatqan sharalar týraly pikir almasty. Atap aıtqanda, vedomstvolardyń tıisti aqparattyq júıelerin ıntegratsııalaý máseleleri qaraldy.

Sondaı-aq, Qazaqstannyń ishki ister mınıstri E. Turǵymbaev Reseıdiń ishki ister mınıstri V. Kolokoltsevti qazaqstandyq polıtsııany reformalaý barysymen tanystyrdy.

Kezdesý qorytyndysy boıynsha eki vedomstvo basshylary bolashaqtaǵy yntymaqtastyqty anyqtady.


Basty sózder: Reseı, QR ІІM,
Joǵary qaraı