Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan men Reseı aýsyl aýrýyna baılanysty mal men onyń ónimderiniń tasymalyna shekteý qoıdy

2022 jyldyń 13 qańtar 2022 10:38

NUR-SULTAN. QazAqparat - Qazaqstan men Reseı aýsylǵa sezimtal janýarlar men olardan alynatyn ónimder men shıkizatty tasymaldaýǵa ýaqytsha shekteý qoıdy, dep habarlaıdy QazAqparat QR Aýyl sharýashylyǵy mınıstrliginiń baspasóz qyzmetine silteme jasap.

QR Aýyl sharýashylyǵy mınıstrligi Reseı Federatsııasy Orynbor oblysynyń Belıaev aýdanynda aýsyl aýrýynyń tirkelýiniń nátıjesine oraı 31 jeloqsan 2021 jyly QR AShM Veterınarııalyq baqylaý jáne qadaǵalaý komıteti aýsylǵa sezimtal janýarlardy, janýarlardan alynatyn ónimder men shıkizatty Qazaqstan Respýblıkasyna ákelýge jáne Orynbor oblysynan tranzıtke ýaqytsha shekteýler engizgenin habarlaıdy.

Sonymen birge, Reseı Federatsııasynyń veterınarlyq jáne fıtosanıtarlyq qadaǵalaý jónindegi federaldyq qyzmeti 2022 jylǵy 12 qańtardan bastap saqtyq qaǵıdatyna baılanysty Qazaqstan Respýblıkasynyń aýmaǵynan termııalyq óńdeýden ótken taýarlardy qospaǵanda, aýsylǵa sezimtal tiri janýarlardy, janýarlardan alynatyn ónimderdi, shıkizatty jáne azyqtardy Reseı Federatsııasyna ákelýge ýaqytsha shekteýler engizdi.

Reseı Federatsııasynda tirkelgen aýsyl oshaǵynyń memlekettik shekaraǵa tikeleı jaqyndyǵyn eskere otyryp, mınıstrlik shekara mańyndaǵy aýmaqta epızootııalyq monıtorıng júrgizý úshin jumys tobyn qurdy. Óńirlerdegi jumys toby veterınarııa boıynsha ulttyq referenttik ortalyqta keıingi zerthanalyq zertteýler úshin synamalar irikteýdi júrgizedi.

QR Veterınarııalyq qyzmeti júrgizgen jumystyń qorytyndysy men nátıjeleri boıynsha tıisti sharalar qabyldanatyn bolady.


Joǵary qaraı