Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan men Reseı arasynda taýar aınalymy 25 mlrd dollarǵa jetti – QR Prezıdenti

2022 jyldyń 16 mamyr 2022 23:39

MÁSKEÝ. QazAqparat – Máskeýde ótken Ujymdyq qaýipsizdik týraly shart uıymynyń (UQShU) mereıtoılyq sammıtinen keıin Memleket basshysy Qasym-Jomart Toqaev Reseı Prezıdenti Vladımır Pýtınmen kezdesý ótkizdi. QazAqparat bul týraly Aqordaǵa silteme jasap habarlaıdy.

Prezıdentter ekijaqty kún tártibindegi ózekti máselelerdi, sondaı-aq saýda-ekonomıkalyq saladaǵy Qazaqstan-Reseı yntymaqtastyǵyn talqylady.

«Shyn máninde, elderimiz arasyndaǵy saýda-ekonomıkalyq jáne saıası yqpaldastyqtyń qarqyny nashar deýge esh negiz joq. Taýar aınalymy 25 mıllıard dollarǵa jetti. Reseı – Qazaqstan úshin saýda-ekonomıkalyq saladaǵy basty seriktes. Osy sebepti, men, Úkimetimizge osy qarqyndy jáne saýda men ınvestıtsııalar kólemin saqtap qana qoımaı, qazirgi geosaıası jaǵdaıdaǵy barlyq qıyndyqtarǵa qaramastan olardy arttyrý jóninde mindet júkteımin. Men ózimmen birge osy salaǵa jaýapty Premer-Mınıstrdiń birinshi orynbasary bastaǵan Úkimettiń negizgi sheneýnikterin ala keldim. Olar tabysty kelissózder júrgizdi jáne naqty nátıjege qol jetkizý úshin olardyń aldyna Federatsııasynyń Úkimetimen iskerlik baǵytta jumys isteý mindeti qoıyldy jáne olar nátıjeli kellisóz ótkizdi», – dedi Qasym-Jomart Toqaev.

Qazaqstan Prezıdenti búginde mashına jasaý, metallýrgııa, hımııa ónerkásibi sııaqty salalarda jalpy quny 4 mıllıard dollar bolatyn 20 iri jobanyń ártúrli satyda júzege asyrylyp jatqanyn aıtty.

Reseı Prezıdenti óz kezeginde eki el arasyndaǵy saýda-ekonomıkalyq yntymaqtastyqty damytýdyń oń qarqynyn atap ótti.

«Jalpy bizde barlyq sala jaqsy damyp keledi. Byltyr taýar aınalymynyń ósimi 34 paıyz boldy. Reseı kompanııalary Qazaqstan ekonomıkasyna 17 mıllıard dollar ınvestıtsııa saldy. Bárimizge túsinikti ári belgili qazirgi qıynshylyqtarǵa qaramastan, jaǵdaı jaqsy damýda», – dedi Vladımır Pýtın.

Taraptar kún tártibindegi ekijaqty keshendi ekonomıkalyq máselelerdiń bárin bıyl kúzde Orynborda ótkizýge josparlanǵan Aımaqaralyq forýmda talqylaýǵa ýaǵdalasty.

Qasym-Jomart Toqaev Vladımır Pýtınniń shaqyrýy boıynsha bıylǵy maýsym aıynda Peterbýrgte ótetin ekonomıkalyq forýmǵa qatysatynyn naqtylady. Sonymen qatar Qazaqstannyń úkimettik delegatsııasy Ekaterınbýrgte ótetin iri ónerkásiptik kórmege qatysýdy josparlap otyr.


Joǵary qaraı