Aýa raıy
Astana -25 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Ózbekstan premer-mınıstrleri Túrkistan qalasynda kelissóz ótkizdi

2020 jyldyń 21 qarasha 2020 17:13

NUR-SULTAN. QazAqparat - QR Premer-Mınıstri Asqar Mamın men ÓR Premer-Mınıstri Abdýlla Arıpov Túrkistan qalasynda kezdesý ótkizdi, dep habarlaıdy primeminister.kz.

Úkimet basshylary saýda-ekonomıkalyq, ınvestıtsııalyq, aýyl sharýashylyǵy, sý-energetıka, kólik-logıstıkalyq, kedendik yntymaqtastyq, sondaı-aq ónerkásiptik kooperatsııa men óńiraralyq ózara is-qımyldyń ózekti máselelerin talqylady.

QR men ÓR arasyndaǵy 2020-2022 jyldarǵa arnalǵan yntymaqtastyqty keńeıtý jáne tereńdetý jónindegi praktıkalyq sharalar josparyn iske asyrý, aımaqtyq taýar ótkizý júıesin, Qazaqstan – Ózbekstan shekarasynda Halyqaralyq saýda-ekonomıkalyq yntymaqtastyq ortalyǵyn qurý, shekara mańy ótkizý beketterin jańǵyrtý jáne t. b. máselelerge erekshe nazar aýdaryldy.

Ózbekstan — Qazaqstannyń Ortalyq Azııa óńirindegi negizgi saýda seriktesi. 2019 jyldyń qorytyndysy boıynsha ekijaqty taýar aınalymy 21,2%-ǵa – $4,5 mlrd-qa deıin ósti. Taraptar taýar aınalymyn $10 mlrd-qa deıin jetkizýdi kózdep otyr.




Úkimet basshylary Túrkistan qalasynda toqyma buıymdaryn óndiretin «Turkistan Textile» qazaqstandyq-ózbek birlesken kásipornynyń ashylý rásimine qatysty. Tigin fabrıkasy «Turkistan» ındýstrııalyq aımaǵynda 2 ga aýmaqta ornalasqan. Investıtsııa kólemi – 700 mln teńge. Óndiristiń jobalyq qýaty – aıyna 13 myń toqyma buıymdary. Kásiporyn áıelder úshin, onyń ishinde erekshe qajettilikteri bar jandar úshin 1 myńnan astam jańa jumys ornyn qurýǵa múmkindik beredi.

A. Mamın A. Arıpovty Túrkistan qalasynyń áleýmettik, sport, kólik jáne týrıstik ınfraqurylymynyń jańa nysandarymen – halyqaralyq áýejaı, kongress-holl, «Uly Dala Eli» ortalyǵy, «Túrkistan Arena» stadıony, Oqýshylar saraıy, «Rixos Turkestan» qonaq úıimen, sondaı-aq «Kerýen-saraı» kópfýnktsıonaldy týrıstik kesheniniń jáne 5 myń oryndyq meshittiń salyný barysymen tanystyrdy.




Úkimet basshylary Q. A. ıAssaýı kesenesine, «Áziret-Sultan» mádenı-tarıhı mýzeıine baryp, Abaı eskertkishine gúl shoqtaryn qoıdy.


Joǵary qaraı