Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Lıtva arasynda tikeleı áýe reısi ashylady

2021 jyldyń 13 qazan 2021 11:45

NUR-SULTAN. QazAqparat – Qazaqstannyń eki qalasynan Lıtvaǵa tikeleı áýe reısteri ashylady. QazAqparat bul týraly QR Indýstrııa jáne ınfraqurylymdyq damý mınıstrligine silteme jasap habarlaıdy.

Nur-Sultan qalasynda QR IIDM Azamattyq avıatsııa komıtetiniń jáne Lıtvanyń azamattyq avıatsııa basshylyǵynyń kezdesýi ótti. Onda «Nur-Sultan – Vılnıýs» jáne «Almaty – Vılnıýs» turaqty áýe baǵyttaryn ashý, oǵan Vengrııanyń «Wizz Air» áýe kompanııasyn operator etip taǵaıyndaý máselesi qaraldy. Reısterdi 2022 jyldyń 1 toqsanynda ashý josparlanyp otyr.

Mınıstrlikten málim etkendeı, QR IIDM Azamattyq avıatsııa komıteti tóraǵasynyń orynbasary Saltanat Tompıeva jáne Lıtvanyń Kólik jáne kommýnıkatsııa mınıstrligi Jol jáne avıatsııalyq kólik saıasaty tobynyń jetekshisi Vladıslav Kondratovıch áýe tasymaldary salasyndaǵy yntymaqtastyq máselelerin talqylap, turaqty reısterdi ashý nıeti kórsetilgen hattamamen almasty.

«Bul másele boıynsha túpkilikti sheshim eki eldiń Koronavırýs ınfektsııasynyń taralýyna jol bermeý jónindegi vedomstvoaralyq komıssııalary ushýǵa ruqsat bergennen keıin qabyldanady», - delingen baspasóz habarlamasynda.


Joǵary qaraı