Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan men Qytaıdyń ózara taýar aınalymy 17 mlrd dollarǵa jetti – Memleket basshysy

2022 jyldyń 25 qańtar 2022 15:33

NUR-SULTAN. QazAqparat – Qazaqstan men Qytaıdyń ózara taýar aınalymy 17 mlrd dollarǵa jetti. Bul týraly Memleket basshysy Qasym-Jomart Toqaev «Ortalyq Azııa – QHR» sammıtinde aıtty, dep habarlaıdy QazAqparat tilshisi.

«Búginde ekijaqty taýar aınalymy barlyq jańa rekordtyq belgilerge jetip otyr. Ótken jyldyń 11 aıynyń qorytyndysynda bul kórsetkish 17 mlrd dollarǵa deıin jetti. Ortalyq Azııa memleketterine 40 mlrd dollarlyq qytaı ınvestıtsııasynyń jartysy Qazaqstanǵa tıesili. Bul da óte jaqsy kórsetish. Sondyqtan bizdiń elimizdiń óńirdegi Qytaıdyń iri saýda jáne ınvestıtsııalyq seriktesine aınalýy zańdylyq. Osy múmkindikti paıdalanyp, sheteldik ınvestorlardy, onyń ishinde qytaılyq seriktesterimizdi munan ary da jan-jaqty qoldaýǵa nıetti ekendigimizdi atap ótkim keledi», - dedi Memleket basshysy.

Qasym-Jomart Toqaev qazirgi ýaqytta Qazaqstan Úkimet iınvestorlar úshin barynsha qolaıly jaǵdaı jasaýǵa baǵyttalǵan jańa ınvestıtsııalyq saıasat ázirlep jatqandyǵyn atap ótti.

«Mundaı saıasat Qazaqstannyń jańa ekonomıkalyq baǵytynyń ajyramas bóligi sanalady», - dep atap ótti QR Prezıdenti.


Joǵary qaraı