Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan men Qytaı arasyndaǵy yntymaqtastyq teńdessiz dınamızmimen erekshelenedi - Toqaev

2022 jyldyń 25 qańtar 2022 15:20

NUR-SULTAN. QazAqparat – Qazaqstan men Qytaı arasyndaǵy yntymaqtastyq teńdessiz dınamızmimen erekshelenedi. Bul týraly Memleket basshysy Qasym-Jomart Toqaev «Ortalyq Azııa – QHR» sammıtinde aıtty, dep habarlaıdy QazAqparat tilshisi.

«Bizdiń kezdesýimiz shyn máninde tarıhı dataǵa – Ortalyq Azııa memleketteri men Qytaı arasyndaǵy dıplomatııalyq qarym-qatynastyń ornaýynyń 30 jyldyǵyna arnalǵan. Bizdiń ózara qatynasymyzdyń tarıhy ǵasyrlar qoınaýynan tamyr alady. Biz tatý kórshilik pen ózara tıimdi yntymaqtastyqtyń tabysty tájirıbesin shynaıy baǵalaımyz. Qurmetti tóraǵa Sı Tszınpın, sizdiń bedeldi ári tıimdi basshylyǵyńyzdyń arqasynda Qytaı Halyq Respýblıkasy óz damýynda tańǵalarlyq tabysqa qol jetizdi. Absolıýtti kedeıshilik túbegeıli joıyldy. Ekonomıkada tamasha serpilis jasaldy, ǵylym joǵary deńgeıge shyqty. Búginde Qytaı progresstiń barlyq negizgi kórsetkishteri boıynsha álemdik kóshbasshylar tobyna laıyqty endi», - dedi Memleket basshysy

Qazaqstan Prezıdenti qytaı ekspresi buryn bolyp kórmegen jyldamdyq alyp, óziniń sońynan tek jekelegen elderdi ǵana emes, sonymen birge búkil óńirdi senimde jetelep kele jatqanyn basa aıtty.

«Olardyń qataryna Ortalyq Azııa memleketteri de kiredi. Qazaqstan men Qytaı arasyndaǵy yntymaqtastyq teńdessiz dınamızmimen, joǵary senim jáne shynaıy tatý kórshilikpen erekshelenedi. 2019 jyldyń qyrkúıegindegi Qytaıǵa memlekettik saparym barysynda elderimiz arasyndaǵy máńgilik jan-jaqty strategııalyq seriktestik týraly dekalaratsııaǵa qol qoıyldy. Bul oqıǵa Qazaqstan men Qytaı arasyndaǵy yntymaqtastyqtyń jańa kókjıegin ashty», -dep atap ótti Qasym-Jomart Toqaev.


Avtor Marlan Jıembaı
Basty sózder: Qytaı, Qazaqstan Prezıdenti,
Joǵary qaraı