Aýa raıy
Astana -16 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Eýroodaq keden salasyndaǵy yntymaqtastyqtyń jańa múmkindigin qarastyrdy

2020 jyldyń 24 qarasha 2020 09:15

BRıÝSSELЬ. QazAqparat – Qazaqstan Respýblıkasy men Eýropalyq odaq arasyndaǵy Keden yntymaqtastyǵy kómekshi komıtetiniń 4-shi vırtýaldy otyrysy ótti, dep habarlaıdy QazAqparattyń menshikti tilshisi.

Eýropalyq odaq – Qazaqstan Respýblıkasynyń negizgi saýda jáne ınvestıtsııa seriktesi. Qazaqstannyń syrtqy saýda aınalymy men el ekonomıkasyna tartylǵan sheteldik kapıtaldyń 30-dan 50 %-na deıin osy odaqqa tıesili.

2020 jyldyń bes aıynda ekijaqty taýar aınalymy 1,6 mlrd dollardy, ıaǵnı QR taýar aınalymynyń 33,2%-yn qurady. Qazaqstannyń iri saýda seriktesteriniń qatarynda Italııa, Nıderlandy, Frantsııa jáne Grekııa bar.

Basqosý barysynda saýda rásimderin jeńildetý, tranzıt erkindigin damytý, halyqaralyq keden jáne saýda standarttaryn engizý, quqyq qorǵaý qyzmeti, onyń ishinde esirtki saýdasy men temeki ónimderiniń kontrabandasymen kúres syndy mańyzdy máseleler qarastyryldy.

Sondaı-aq taraptar Eýropa men Azııa arasyndaǵy ózara baılanysty qamtamasyz etý boıynsha ótken jyly qabyldanǵan EO-nyń Ortalyq Azııa boıynsha strategııasyndaǵy («connectivity») kedendik yntymaqtastyqtyń jańa múmkindigin talqylady.

Strategııa áleýetin tıimdi paıdalaný – azamattardyń ekonomıkalyq jaǵdaıyn kóterý, jumys orynyn qurý jáne Eýropa men Azııa arasyndaǵy jetkizý qyzmetiniń qaýipsizdigin qamtamasyz etýge kómektesedi.

Kómekshi komıtet tórt jyl ishinde keden qyzmeti jáne elimizdiń basqa da memlekettik organdarynyń ózara baılanys ınstıtýtyna aınaldy. Eki tarap seriktestikti ary qaraı damytý týraly kelisimge keldi.


Avtory Arnur Raqymbekov


Joǵary qaraı