Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan mektepterinde kásibı baǵyt-baǵdar berýdiń jańa modeli engiziledi

2021 jyldyń 13 jeltoqsan 2021 14:53

NUR-SULTAN. QazAqparat – Elimizdiń orta bilim berý oshaqtarynda oqýshylarǵa kásibı baǵyt-baǵdar berýdiń jańa modeli engizilmek. Bul týraly Ulttyq senim keńesiniń múshesi, BTS Digital bilim jobalarynyń jetekshisi Saıasat Nurbek málim etti, dep habarlaıdy QazAqparat tilshisi.

«Men 2019 jyly Ulttyq keńestiń alǵashqy otyrysynda elimizde naryq suranysyna saı mamandyqtardy taldap, zertteýdi alǵa tarttym. Memleket basshysy bul bastamany qoldady. Osylaısha Prezıdenttiń Jarlyǵymen Qazaqstanda jańa mamandyqtar atlasyn ázirleý qolǵa alyndy. Ondaǵy maqsat – aldymen naryqtaǵy jańa mamandyqtarǵa taldaý jasaý. Sonymen qatar suranystan qalǵan, joǵalyp bara jatqan mamandardy anyqtaý. Odan bólek, qoldanystaǵy mamandyqtardy qaıta jańǵyrtý, transformatsııalaý», - dedi Saıasat Nurbek Ulttyq keńes múshelerine memlekettik nagradalardy tapsyrý saltanatynyń aldynda tilshilerge suhbat kezinde.

Onyń aıtýynsha, kásibı baǵyt-baǵdar berý sharasy tek túlekter arasynda ǵana emes, sondaı-aq ata-analar jáne ustazdar qaýymymen de ótkiziledi.

«Mamandyqtar atlasynyń ekinshi jumys baǵyty. Oqýshylarǵa, túlekterge kásibı baǵyt-baǵdar berý. Bul baǵytta Y. Altynsarın atyndaǵy ulttyq bilim berý akademııasy jáne Atameken UKP-men biraz jumys atqaryldy. Búginde Bilim jáne ǵylym mınıstrliginiń tıisti buıryǵyna qol qoıyldy. ıAǵnı jańa jyldan bastap elimizdiń barlyq mektepterinde kásibı baǵyt-baǵdar berýdiń jańa modeli engiziledi», - deıdi ol.


Joǵary qaraı