Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan Qysqy Olımpıada oıyndaryna qansha qarajat bóldi

2022 jyldyń 25 qańtar 2022 15:51

NUR-SULTAN. QazAqparat – «Qazaqstan Ulttyq Olımpıada komıtetiniń Bas hatshysy Andreı Krıýkov aqpan aıynda ótetin XXIV Qysqy Olımpıada oıyndaryna qansha qarajat bólingenin aıtty, dep habarlaıdy QazAqparat.

«Beıjiń Olımpıadasyna 250 mln teńgege jýyq qarajat bólý josparlanǵan. Alaıda, budan da az soma – 220 mln teńge jumsalýy múmkin, óıtkeni uıymdastyrýshylar delegatsııalardaǵy qatysýshylar sanyn qysqartyp jatyr», - dep túsindirdi Andreı Krıýkov Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, jazǵy Olımpıada qorytyndysy boıynsha sybaılas jemqorlyqqa qatysty júrgizilgen tekserýler UOK jumysynda qarajatty jymqyrý, maqsatsyz paıdalaný jáne osyǵan uqsas oqıǵalar bolmaǵanyn kórsetti.

«Keıbir protsedýralyq buzýshylyqtar bar jáne bıýrokratııalyq tustar anyqtaldy jáne sybaılas jemqorlyq syn-qaterlerin boldyrmaý úshin barlyǵy retteldi», - dedi A. Krıýkov.

Aıta keteıik, XXIV qysqy Olımpıada oıyndary Qytaıdyń Beıjiń qalasynda, 2022 jyldyń 4 men 20 aqpan aralyǵynda ótedi. Onda jalpy sany 109 medal sarapqa salynady. Jarystar Beıjiń qalasynan bólek qasyndaǵy ıAntsın jáne Chjıantszıakoý qalalarynda da ótedi.



Joǵary qaraı