Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan kómirtegi beıtaraptylyǵyna qol jetkizý doktrınasyn tanystyrdy

2021 jyldyń 13 qazan 2021 19:03

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev Qazaqstan Respýblıkasynyń 2060 jylǵa deıingi kómirtegi beıtaraptylyǵyna qol jetkizý doktrınasynyń jobasyn tanystyrdy, dep habarlaıdy QazAqparat tilishsi.

«Qurmetti, Qasym-Jomart Kemeluly, kómirtegi beıtaraptyǵyna qol jetkizý boıynsha Siz málimdegen baǵdardy jalǵastyrý úshin Qazaqstan Respýblıkasynyń 2060 jylǵa deıingi kómirtegi beıtaraptylyǵyna qol jetkizý doktrınasynyń jobasyn tanystyrýǵa ruqsat etińiz», - dep júgindi mınıstr QR Prezıdenti Qasym-Jomart Toqaevqa «Parıj kelisiminiń maqsattaryna qol jetkizý joldary jáne Qazaqstannyń kómirtegi beıtaraptylyǵy» halyqaralyq konferentsııasy barysynda.

Onyń atap ótýinshe, doktrına eń úzdik aldyńǵy qatarly TIMES, CGE jáne System Dynamics syndy modelderdiń kómegimen shynaıy ekonomıkany modeldeý negizinde ázirlengen.

«Bul barynsha az ınvestıtsııalyq shyǵyndar jáne múmkindiginshe mol ekonomıkalyq paıda alý turǵysynda Qazaqstan ekonomıkasyn kómirteksizdendirýdiń eń ońtaıly jolyn aıqyndaýǵa múmkindik berdi», - dedi Serikqalı Brekeshev.


Joǵary qaraı