Aýa raıy
Astana -14 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan qazirgi ahýalǵa qaramastan strategııalyq damý maqsattaryn iske asyrady - Toqaev

2020 jyldyń 25 qarasha 2020 11:30

NUR-SULTAN. QazAqparat - Qazaqstan qazirgi ahýalǵa qaramastan strategııalyq damý maqsattaryn dáıekti túrde iske asyrady. Bul týraly «Nur Otan» partııasynyń kezekten tys XX Sezinde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Partııamyzdyń kezekten tys XX Sezi kúrdeli ári mańyzdy kezeńde ótkizilip otyr. Bul memleketimizdiń qoǵamdyq-saıası ómirindegi aıtýly oqıǵa. Búginde «Nur Otan» partııasy el taǵdyryna jaýapty eń basty saıası kúshke aınaldy. Halqymyz bizge qashanda zor senim artady. ásirese jahandyq daǵdarys kezinde el amanatyna erekshe kóńil bólýimiz kerek. Búkil álemge taraǵan pandemııa Qazaqstanǵa da ońaı tıgen joq. Memleket azamattarymyzdyń densaýlyǵyn qorǵaý úshin barlyq qajetti sharalardy qabyldap jatyr»,- dedi Qazaqstan Prezıdenti.

Memleket basshysy partııa tarapynan halyqqa udaıy qoldaý kórsetilip kele jatqanyn aıtty.

Partııa belsendileri jáne eriktileri muqtaj jandardan kómegin aıamaǵanyn atap ótti.

«Osyndaı naqty jumys pen janashyrlyq bereke-birligimizdi arttyra túsedi. Qazaqstan qazirgi ahýalǵa qaramastan strategııalyq damý maqsattaryn dáıekti túrde iske asyrady. Bul rette Elbasy saıasatynyń sabaqtastyǵyn qamtamasyz etý negizgi mindettiń biri. Men bıylǵy Joldaýymda partııanyń qoǵamdaǵy jetekshi róli týraly aıttym. Biz reformalardy júzege asyrý barysynda «Nur Otan» partııasynyń zor áleýetine súıenemiz»,- dedi Qasym-Jomart Toqaev.


Joǵary qaraı