Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Qazaqstan halqyna» qoryna túsken qarjy 7 bankte saqtalady

2022 jyldyń 19 qańtar 2022 12:25

NUR-SULTAN. QazAqparat – «Qazaqstan halqyna» qoryna túsken qarjy 7 qazaqstandyq bankte saqtalady. Qarjy nelikten 7 bankte saqtalady? Bul suraqqa qor basshysy Bolat Jámishev «Oshakbaev LIVE» telebaǵdarlamasynyń efırinde jaýap berdi, dep habarlaıdy QazAqparat tilshisi.

«Qorǵa túsken qarjy 7 bankte bolady. Barlyǵy da - otandyq bankter. ıAǵnı, qaıyrymdylyq jasaǵan adam nemese uıym qarjyny qaı bank arqyly jiberedi, aqsha sol bankte bolady. Qor ashyla sala alǵashqy qarjy Halyk Bank arqyly tústi. Odan keıin kaspi.kz jáne taǵy 5 bankke qaıyrymdylyq qarjysy túse bastady. Qarjyǵa biz jaýapty bolǵandyqtan, halyq senimine kirgen, nesıe júıesi oń jolǵa qoıylǵan bankter tańdaldy. Odan ári otandyq iri kásiporyndarmen tikeleı jumys isteıtin bolamyz. Al orta jáne shaǵyn kásiporyndarmen «Atameken» ulttyq kásipkerler palatasy arqyly memorandým jasaımyz», - dedi B. Jámishev.

Sondaı-aq, qor basshysy qatysýshylar keńesiniń qurylatynyn alǵa tartty. Ol keńeste qarjynyń qanshalyqtyń tıimdi jumsalyp jatqany qaralady.

«Kóleńkeli tabysqa kenelip júrgender qorǵa qarjy aýdarsyn degen usynystardy estip jatyrmyn. Qarjy halyq ıgiligine jumsalady. Sondyqtan qorǵa adal jolmen tapqan tabystyń túskenin qalaımyz. Men úshin qaıyrymdylyq qarajattyń qaıda jumsalatyny óte mańyzdy», - deıdi ol.

Odan bólek, Bolat Jámishev óziniń qor tóraǵasy bolyp taǵaıyndalýyna qatysty bir aýyz pikir bildirdi.

«Meni tóraǵa etip qordyń qamqorshylyq keńesi músheleri saılady», - dep qysqa qaıyrdy.

Buǵan deıin «Qazaqstan halqyna» qoryna túsken ár teńgeniń qaıda jumsalǵany halyqqa ashyq kórsetiletini aıtyldy.


Joǵary qaraı