Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Qazaqstan halqyna» qory quryldy

2022 jyldyń 15 qańtar 2022 10:52

NUR-SULTAN. QazAqparat - Memleket basshysy Qasym-Jomart Kemeluly Toqaevtyń tapsyrmasy boıynsha «Qazaqstan halqyna» qoǵamdyq áleýmettik qory (QÁQ) quryldy, dep habarlaıdy QazAqparat

Qor kelesi mindetterdi oryndaıtyn bolady:

- Qazaqstan Respýblıkasynyń halqyna densaýlyq saqtaý, bilim berý jáne áleýmettik qoldaý, mádenıet jáne sport salalarynda memlekettik qoldaý sharalarynan tys qosymsha qamtamasyz etý máseleleri boıynsha qaıyrymdylyq kómek kórsetý;

- tótenshe jaǵdaılar kezinde jáne tótenshe jaǵdaı rejımin engizý kezinde Qazaqstan Respýblıkasynyń zardap shekken halqyna kómek kórsetý;

- halyqtyń áleýmettik osal toptary jáne osal top balalaryna sporttyq ınfraqurylymnyń damýy jáne qoljetimdiligin arttyrý boıynsha járdemdesý;

- Qazaqstan Respýblıkasynyń aýmaqtyq tutastyǵy men qaýipsizdigin qorǵaý kezinde qaza tapqan quqyq qorǵaý organdary, arnaıy organdar qyzmetkerleriniń, áskerı qyzmetshilerdiń otbasylaryna jáne basqa da kómekke muqtaj jandarǵa qol ushyn sozý, qoldaý;

- Qor qyzmetiniń basqa baǵyttary boıynsha qaıyrymdylyq kómek kórsetý.

Qordy qarjylandyrý jeke kózderden, halyqaralyq qaıyrymdylyq uıymdarynyń qarajatynan, lotereıa qyzmeti operatorynyń, stavkalardy esepke alý ortalyǵynyń jáne basqa da monopolısterdiń mindetti aýdarymdarynan, iri bıznes tarapynan turaqty aýdarymdarynan, qaıyrymdylyqqa, onyń ishinde kvazımemlekettik sektorǵa arnalǵan qarajattan júzege asyrylatyn bolady.

Qordyń Qamqorshylyq keńesi «Qazaqstan halqyna» biraýyzdan QÁQ tóraǵasy qyzmetine Bolat Jámishevtiń kandıdatýrasyn usynyp, qoldady.

«Qazaqstan halqyna» QÁQ – nyń joǵary basqarý organy retinde Qorǵa qatysýshylardyń jalpy jınalysy, baqylaýshy organ retinde Qamqorshylyq keńes, atqarýshy organ bolyp Basqarma jáne baqylaýshy organ bolyp Tekserý komıssııasy taǵaıyndalady.

Bıznes-qoǵamdastyqtyń ókilderi men kómek retinde qol ushyn sozǵysy keletin azamattar «Qazaqstan halqyna» Qorynyń shotyna kelesi rekvızıtter boıynsha qarajat aýdara alady:

«Qazaqstan halqyna» Qoǵamdyq Qory, JSN/BSN: 220140006999, Kbe 18, KZ97601A871001692501 KZT, «Qazaqstan Halyq Banki» AQ. «Qazaqstan halqyna» Qoǵamdyq Qory, JSN/BSN: 220140006999, Kbe 18, KZ52722S000011856768, ««Kaspi bank» AQ.


Joǵary qaraı