Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Qazaqstan halqyna» qory: Eń alǵashqy qaıyrymdylyq kómek kimderge kórsetiledi

2022 jyldyń 19 qańtar 2022 13:00

NUR-SULTAN. QazAqparat – «Qazaqstan halqyna» qorynyń tóraǵasy Bolat Jámishev qor jumysy týraly aıta kele, eń aldymen kimderge kómek kórsetiletinin málim etti, dep habarlaıdy QazAqparat tilshisi.

«Árıne, qor halyqtyń áleýmettik jaǵdaıyn jaqsartý jolynda jumys isteıdi. Degenmen bir qorǵa senim artyp, sodan eldiń jaǵdaıy jaqsaryp ketedi degen qate túsinik. Biz memlekettik organdar iske asyryp jatqan áleýmettik qoldaý sharalaryn qaıtalamaımyz. Qazir biz uıymdastyrý jumysymen aınalysyp jatyrmyz. Sonymen qatar alǵashqy kómek berý sharasyn da qolǵa aldyq. Bizdiń alǵashqy qaıyrymdylyq jobamyz - jappaı tártipsizdik kezinde qyzmet barysynda qaza bolǵan quqyq qorǵaý jáne áskerılerdiń otbasyna kómek. Jáne aýyr dertke shaldyqqan balalarǵa kómek kórsetkimiz keledi. Búginde jumys osy baǵytta júrip jatyr. Árıne, memleket tarapynan kómek kórsetilip jatyr, degenmen qoldaý jaǵy jetpeı jatqan jandar da barshylyq», - dedi Bolat Jámishev «Habar 24» arnasynyń «Oshakbaev LIVE» telebaǵdarlamasynyń efırinde.

Sondaı-aq, efır qonaǵy qordyń shtatyna qatysty túsinik berdi.

«Qordyń shtaty úlken emes, bar-joǵy 25 adam. Eskeretin jaıt, qorǵa kúnine eldiń túkpir-túkpirinen qanshama qarajat túsip jatyr. 25 adam onyń bárine esep júrgize almaıdy. Sondyqtan biz óńirler boıynsha qoǵamdyq qaıyrymdylyq uıymdarymen birigip jumys isteıtin bolamyz. Biz olardy qarjylandyrmaımyz, tek seriktes retinde jumys isteımiz. ıAǵnı atalǵan qoǵamdyq uıymdar bizge kómekke muqtaj jandar men olardyń qujattaryn rásimdep beredi. Al biz bárin tekserip, qaıyrymdylyq jasaý týraly sheshim qabyldaımyz», - deıdi ol.


Joǵary qaraı