Aýa raıy
Astana -18 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan halqy Assambleıasynan Májilis depýtattyǵyna kimder óte alady

2020 jyldyń 21 qazan 2020 16:56

NUR-SULTAN. QazAqparat – Qazaqstan halqy Assambleıasynan Májilis depýtattyǵyna kandıdattardy usyný 11 jeltoqsanda bastalady, dep habarlaıdy QazAqparat tilshisi.

«2007 jyldan bastap Qazaqstan halqy Assambleıasynyń Parlament Májilisindegi 9 depýtatyn saılaý konstıtýtsııalyq quqyǵy iske asyrylýda. Saılaýǵa daıyndyq pen onyń ótkizýdi qamtamasyz etý Ortalyq saılaý komıssııasyna jáne Respýblıkalyq mańyzy bar qalalyq komıssııaǵa júkteledi. Qazaqstan halqy Assambleıasy saılaıtyn Parlament Májilisiniń depýtattyǵyna kandıdattar usyný quqyǵy Assambleıa Keńesine tıesili», - dep túsindirdi Ortalyq saılaý komıssııasynyń múshesi Erlan Daýylbaev.

Onyń sózine qaraǵanda, QHA-dan saılanatyn Májilis depýtattyǵyna kandıdattardy usyný bıylǵy 11 jeltoqsanda bastalyp, saılaýǵa jıyrma kún qalǵanda, ıaǵnı 2020 jylǵy 21 jeltoqsanynda jergilikti ýaqytpen saǵat 18.00-de aıaqtalady.

Qazaqstan halqy Assambleıasynan Májiliske el aýmaǵynda sońǵy 10 jyl turaqty turyp jatqan, jıyrma bes jasqa tolǵan, basymdyqty saılaý quqyǵyna ıe, ótelmegen nemese alynbaǵan sottylyǵy joq, sondaı-aq sybaılas jemqorlyq qylmys jáne sybaılas jemqorlyq quqyq buzýshylyq jasaǵany úshin sottylyǵy joq Qazaqstan Respýblıkasynyń azamaty kandıdat bola alady.

Saılaý aldyndaǵy úgit-nasıhat kandıdattardy tirkeý merzimi aıaqtalǵan sátten, ıaǵnı 26 jeltoqsanda saǵat 18:00–den bastalady jáne saılaý bolatyn kúnniń aldyndaǵy kúni aıaqtalady.

Qazaqstan halqy Assambleıasynan usynylatyn Parlament Májilisi depýtattarynyń saılaýy Qazaqstan halqy Assambleıasynyń sessııasynda ótkiziledi.

Budan buryn habarlanǵandaı, Ortalyq saılaý komıssııasynyń tóraǵasy Berik Imashev aldaǵy Májilis depýtattaryn saılaýǵa qatysty túsinik berdi.

«Dál osy zań shyǵarýshy organ memleket tetiginde basym orynǵa ıe jáne tek Parlament qana zań arqyly halyqtyń erkin bildirý quqyǵyna ıe. Májilistiń 98 depýtatyn saılaý partııalyq tizimder boıynsha jasyryn daýys berý arqyly jalpyǵa birdeı teń ári tóte saılaý quqyǵy negizinde júzege asyrylady. Májilistiń 9 depýtatyn halyq birligin, qoǵamdyq kelisim men turaqtylyqty nyǵaıtýdyń negizgi ınstıtýty bolyp sanalatyn Qazaqstan halqy Assambleıasy saılaıdy», - dedi Imashev.


Joǵary qaraı