Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan Germanııamen strategııalyq seriktestikti damytý ári nyǵaıtý baǵytyn múltiksiz ustanady

2022 jyldyń 12 mamyr 2022 14:56

NUR-SULTAN. QazAqparat – Qazaqstan Germanııamen strategııalyq seriktestikti damytý ári nyǵaıtý baǵytyn múltiksiz ustanady. Bul týraly QR Premer-Mınıstriniń birinshi orynbasary Roman Sklıar aıtty, dep habarlaıdy QazAqparat tilshisi.

«Qazaqstanda áleýetti ınvestorlar úshin barynsha qolaıly jaǵdaı jasalǵan. Táýelsizdik jyldarynyń ishinde Qazaqstan ekonomıkasyna 370 mlrd AQSh dollarynan astam tikeleı ınvestıtsııa tartyldy. Elimiz tabıǵı resýrstar qory boıynsha álemde 6-shy jáne paıdaly qazbalardy jalpy óndirý kólemi boıynsha 9-orynda tur. Qazaqstan geografııalyq ońtaıly ornalasýynyń arqasynda Eýropa men Azııany jalǵaıtyn Uly Jibek jolynyń mańyzdy baılanystyrýshy býyny sanalady», - dedi Roman Sklıar elordada ótip jatqan Qazaqstan-german bıznes forýmynda.




Birinshi vıtse-premer el basshylyǵynyń táýelsiz strategııalyq bastamalary Qazaqstan egenmendik alǵan sátten bastap-aq ekonomıkany sapaly ártaraptandyrýǵa, bazalyq salalardy tehnologııalyq jańǵyrtýǵa, adamı kapıtaldy damytýǵa baǵyttalǵanyn atap ótti.

«Qazaqstan Eýropadaǵy iri saýda ekonomıkalyq seriktesterdiń biri Germanııa Federatıvti Respýblıkasymen barlyq negizgi baǵyttar boıynsha strategııalyq seriktestikti damytý jáne nyǵaıtý baǵytyn múltiksiz ustanady», - dedi Úkimet basshysynyń birinshi orynbasary.




















Joǵary qaraı