Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan ǵalymdary mysyqty koronavırýstan qorǵaıtyn vaktsına ázirledi

2021 jyldyń 22 qazan 2021 19:00

NUR-SULTAN. QazAqparat – Qazaqstan ǵalymdary mysyqty koronavırýstan qorǵaıtyn vaktsına ázirledi. Bul jaıynda Qazaq ulttyq agrarlyq ýnıversıteti janyndaǵy Halyqaralyq vaktsınologııa ortalyǵynyń dırektory Qaısar Tabynov Facebook paraqshasynda jazdy, dep habarlaıdy QazAqparat tilshisi.

Onyń atap ótýinshe, elordada ótip jatqan Kazagro/Kazfarm-2021 halyqaralyq kórmesinde mysyqtarǵa arnalǵan COVID-19-ǵa qarsy jańa sýbbirlikti NARUVAX-C19 (pets) vaktsınasy QR Aýyl sharýashylyǵy mınıstri Erbol Qarashókeevke tanystyrylǵan.




«Ókinishke qaraı, bizdiń keıbir úı janýarymyz, onyń ishinde mysyqtar bul ınfektsııany juqtyrýǵa beıim ári osynaý zulym vırýstyń mýtatsııasyna óz úlesin qosý qaýpi de joǵary. Álemdegi keıbir framatseftıkalyq alyp kompanııalar janýarlarǵa arnalǵan COVID-19 vaktsınasyn ázirlep jatyr. Mysyqtarǵa arnalǵan bizdiń COVID-19 vaktsınasyn ázirleýmen QR AShM Qazaq ulttyq agrarlyq ýnıversıteti janyndaǵy Halyqaralyq vaktsınologııa ortalyǵynyń, QR DSM Asa qaýipti ınfektsııalar ulttyq ǵylym ortalyǵynyń ǵalymdary aınalysty. Eki márte ımmýndaý rejıminde NARUVAX-C19 (pets) mysyqtarǵa tolyǵymen qaýipsiz, sonymen qatar SARS-COV-2 vırýsynan qorǵanysty qamtamasyz etti. Sonymen qatar ol COVID-19 vırýsynyń delta nusqalaryna qarsy beıtaraptandyrýshy antıdeneniń joǵary tıtriniń qalyptasýyna sep boldy», - dedi ol.

Sonymen qatar Qaısar Tabynov beıindi vedomstvo – Aýyl sharýashylyǵy mınıstrliginiń ǵalymdardyń bul jumysyna tolyqtaı qoldaý kórsetip otyrǵany qýantatynyn atap ótti.








Joǵary qaraı