Aýa raıy
Astana -24 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan G-Global-dyń turaqty uıymdastyrý komıtetin qurýdy usyndy

2020 jyldyń 19 qarasha 2020 23:24

NUR-SULTAN. QazAqparat – Qazaqstan G-Global-dyń turaqty uıymdastyrý komıtetin qurýdy usyndy. Usynysty «G-Global. XXI ǵasyrdaǵy álem» Halyqaralyq kongresiniń jalpy otyrysynda G-Global Halyqaralyq hatshylyǵynyń jetekshisi Serik Nógerbekov engizdi, dep habarlaıdy QazAqparat tilshisi.

«Eki kúndik jumystyń nátıjesi boıynsha bizdiń sharalardy ótkizetin turaqty uıymdastyrýshy komıtetin qurýdy usynamyn. Meniń oıymsha, jylyna bir ret, dál osy ýaqytta kúsh biriktirip, G-Global men bizdiń áriptesterdiń platformasyn paıdalana otyryp, bizdiń sharany ótkizgen jón dep esepteımin. Shara ózin-ózi jaqsy kórsetti degen oıdamyn, sebebi e-forum.net –ınnovatsııalyq platforma. Eń bastysy, eki kúndik talqylaýdan keıin men halyq dıplomatııasy sekildi osyndaı ınstıtýttardy qurǵan durys degen bekem oıǵa keldim. Dúnıe júzinde qazirgi ýaqytta Birikken Ulttar uıymy, Azııalyq Damý banki, Dúnıejúzilik densaýlyq saqtaý uıymy sekildi memlekettik dıplomatııa jumys istep tur. Endigi kezekte... Eń berik qurylym – úshtaǵan. Osy úshtaǵannyń úshinshi tiregi – qoǵamdyq dıplomatııa. Bul úrdis qazir qanat jaıyp keledi», - dedi Serik Nógerbekov.

Hatshylyqtyń jetekshisi bir kezde Qazaqstannyń Tuńǵysh Prezıdentiniń G-Global-dy qurý týraly bastamasyn BUU Bas assambleıasy 2012 jáne 2013 jyly eki ret qoldaǵanyn eske saldy. Búgingi tańda G-Global halyqaralyq hatshylyǵy – BUU Áleýmettik-ekonomıkalyq komıssııasy men BUU saýda jáne damý uıymynyń bir mezettegi keńesshisi bolyp otyrǵan birden-bir uıym. G-Global jobasy memlekettik saıasat deńgeıinde qazirgi ýaqytta álemdegi 103 memleketke qoldaý bildirip otyr. Islam yntymaqtastyǵy uıymynyń Syrtqy ister mınıstrleriniń keńesi álemdik qarjylyq saıasattardyń máselelerin sheshýge arnalǵan abyroıly platforma bolýy úshin G-Global uıymyna kart-blansh bergen. Sonymen qatar odan basqa da halyqaralyq uıymdar G-Global-dy qoldap, ony Azııa men Eýropa arasyndaǵy kommýnıkatsııalyq platforma retinde qarastyrady.

Aıta ketsek, Elbasy Nursultan Nazarbaevtyń bastamasymen qurylǵan G-Global aqparattyq-kommýnıkatsııalyq platformasy álem halyqtarynyń biryńǵaı jáne teń dárejeli dıalogy arqyly álemdik birlestikterdiń jumysynyń tıimdi bolýyna jaıly jaǵdaı jasaıdy, ártúrli zertteý júrgizedi.


Avtor Aıan Bekenuly
Basty sózder: Qoǵam, Halyqaralyq uıymdar,
Joǵary qaraı