Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan dızel otynyn Reseıden ımporttamaq

2021 jyldyń 29 qyrkúıek 2021 17:36

NUR-SULTAN. QazAqparat – Pavlodar munaı óńdeý zaýytynyń jóndeý jumystaryna toqtaýy dızel otynynyń teńgerimine yqpal etedi. Bul týraly QR Energetıka vıtse-mınıstri Áset Maǵaýov málim etti, dep habarlaıdy QazAqparat tilshisi.

«Bıylǵy 1 qazannan bastap Pavlodar munaı-hımııa zaýyty josparly jóndeý jumystaryna toqtaıdy. Bul jóndeý negizinen shildeniń aıaǵy men tamyzdyń basynda júrgizilýi kerek edi. Biraq munaı ónimderiniń qoryn qurý úshin jóndeýdi 1 qazanǵa shegerý sheshimi jasaldy. Degenmen, dızel otynyn satyp alý deńgeıi aıtarlyqtaı ósip, otyn qaldyqtary 210 myń tonna deńgeıinde tur, bul shamamen 11-12 kúnge jetedi», - dedi Á. Maǵaýov Ortalyq kommýnıkatsııalar qyzmetinde.

Onyń aıtýynsha, Pavlodar zaýytyn toqtatý el boıynsha dızel otynynyń teńgerimine yqpal etedi.

«Reseıden 100 myń tonnaǵa jýyq dızel otynyn ımporttaý kerek ekenin baıqap otyrmyz. Osy oraıda ótken aptada Reseı Federatsııasynyń Energetıka mınıstrligimen kelissózder júrgizdik. Olar zaýyttarǵa ózderiniń nusqaýyn berdi», - dedi vıtse-mınıstr.

Qazirgi ýaqytta janar-jaǵar maı stantsııalarynyń iri jelileri Reseı Federatsııasynyń jetkizýshilerimen kelissózder júrgizip jatyr.

Budan buryn habarlanǵandaı, elimizdegi bólshek saýda baǵasy kórshi elderge qaraǵanda aıtarlyqtaı tómen, bul turǵyda tranzıttik kólikter dızel otynyn satyp alýy kólemin arttyrǵan.



Joǵary qaraı