Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan densaýlyq qaýipsizdigi reıtınginde 195 eldiń arasynan 55-shi boldy

2022 jyldyń 12 mamyr 2022 14:42

NUR-SULTAN. QazAqparat - Densaýlyq qaýipsizdigi ındeksi reıtınginde Qazaqstan 195 eldiń arasynan 55-shi orynǵa ornalasty. El ındeksi eń joǵary 100 baldan 46,1 baldy qurady, dep habarlaıdy QazAqparat finprom.kz-ke silteme jasap.

Densaýlyq qaýipsizdigi ındeksinde eldiń pandemııaǵa nemese epıdemııaǵa daıyndyǵy eskeriledi. Indeks upaılary 6 negizgi kórsetkishti qamtıdy: ártúrli aýrýlardyń aldyn alý, aýrýlardy anyqtaý jáne eseptilik, jedel áreket etý, densaýlyq saqtaý júıesi, qarjylandyrý, qorshaǵan ortadan tónetin qaýip.

Qazaqstan túrli aýrýlardyń aldyn alý boıynsha 100-den 54,9 ball, aýrýlardy anyqtaý jáne eseptilik boıynsha — 29,2 ball, áreket etý jyldamdyǵy boıynsha — 36,5 ball, densaýlyq saqtaý júıesiniń sapasy boıynsha — 34,6 ball, qarjylandyrý boıynsha — 58,7 ball, qorshaǵan orta táýekeli boıynsha – 62,9 ball jınady.

Reıtıngini qurastyrýshylar AQSh, Avstralııa jáne Fınlıandııany pandemııaǵa nemese epıdemııaǵa barynsha daıyn dep sanady. Somalıdiń kórsetkishi eń nashar boldy.

TMD elderi arasynda Qazaqstanǵa qaraǵanda Armenııa men Reseıdiń upaılary joǵary. Al Belarýs – 63, Qyrǵyzstan — 68, Moldova — 71, Ózbekstan — 82, Ýkraına — 83, Ázerbaıjan — 100, Túrikmenstan — 119, Tájikstan — 140-orynǵa ornalasty.


Joǵary qaraı