Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan delegatsııasy Kabýlda Aýǵanstannyń qazirgi ákimshiligi ókilderimen kezdesti

2021 jyldyń 17 qazan 2021 19:17

KABÝL. QazAqparat – Búgin Qazaqstan Respýblıkasy Prezıdentiniń Halyqaralyq yntymaqtastyq jónindegi arnaýly ókili Erjan Qazyhan bastaǵan qazaqstandyq delegatsııa Kabýl qalasyna jumys saparymen bardy. QazAqparat bul týraly Aqordaǵa silteme jasap habarlaıdy.

Sapar aıasynda Arnaýly ókil Erjan Qazyhan Aýǵanstannyń qazirgi ákimshiliginiń ókilderi Abdýl Ǵanı Baradarmen jáne Amır Han Mýtakkımen kezdesýler ótkizdi.

Kezdesýler barysynda Qazaqstannyń aýǵan halqyna kórsetip jatqan gýmanıtarlyq kómegi men saýda-ekonomıkalyq baılanystardy qalpyna keltirý máseleleri talqylandy.

Elimiz delegatsııasynyń basshysy Qazaqstan Respýblıkasynyń Prezıdenti Qasym-Jomart Toqaevtyń Ókimimen Aýǵanstanǵa gýmanıtarlyq kómek retinde 5 myń tonna un jetkizilgenin atap ótti. Sondaı-aq Erjan Qazyhan Qazaqstannyń aýǵan tarapyna otandyq QazVac vaktsınasyn berý týraly usynysyn jetkizdi.

Arnaýly ókil Qazaqstannyń BUU agenttikterimen birlesip, Aýǵanstan halqyna jetkiziletin gýmanıtarlyq kómekti odan ári keńeıtý maqsatynda qabyldap jatqan sharalary týraly aıtty.

Aýǵan tarapy kórsetilgen gýmanıtarlyq kómek úshin alǵys bildirip, Aýǵanstandy qalpyna keltirý jónindegi halyqaralyq kúsh-jigerge elimizdiń eleýli úles qosyp otyrǵanyn atap ótti.

Taraptar dástúrli saýda-ekonomıkalyq baılanystardy qalpyna keltirýge jáne aýǵan stýdentteri úshin Qazaqstanda bilim berý baǵdarlamalaryn jalǵastyrýǵa qyzyǵýshylyq tanytty. Aýǵan tarapy qazaqstandyq vaktsınany jetkizý týraly usynysty da zor yqylaspen qabyldady.

Sonymen qatar Erjan Qazyhan BUU Bas hatshysynyń Arnaýly ókili, BUU-nyń Aýǵanstanǵa járdem berý jónindegi mıssııasynyń basshysy Debora Laıonspen kezdesti. Kezdesýde osy eldegi gýmanıtarlyq jáne azyq-túlik daǵdarysyn eńserýde Qazaqstan men BUU-nyń ózara yntymaqtastyǵyn keńeıtý máseleleri qarastyryldy.















Joǵary qaraı