Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan tsıfrlyq tehnologııalarǵa german ınvestıtsııasyn tartýǵa múddeli

2022 jyldyń 12 mamyr 2022 20:20

NUR-SULTAN. QazAqparat – Qazaqstan jumys istep turǵan kásiporyndardy jańǵyrtý úshin tsıfrlyq tehnologııalarǵa german ınvestıtsııasyn tartýǵa múddeli. Bul týraly QR Premer-Mınıstriniń birinshi orynbasary Roman Sklıar aıtty, dep habarlaıdy QazAqparat tilshisi.

«Qazirgi ýaqytta kóptegen el úshin jańa tehnologııalar damýdyń strategııalyq basymdyǵy sanalady. Qazaqstan jumys istep turǵan kásiporyndardy jańǵyrtý, sonymen qatar jańa joǵary tehnologııaly óńdeýshi óndiristi qurý maqsatynda tsıfrlyq tehnologııalarǵa german ınvestıtsııasyn tartýǵa múddelilik tanytady», - dedi Úkimet basshysynyń birinshi orynbasary elordada ótken Qazaqstan-german bıznes forýmynda.

Sondaı-aq ol Qazaqstan Germanııamen ınvestıtsııa turǵysynda strategııalyq mártebesin nyǵaıta túsýge daıyn ekendigin basa aıtty.

«Joǵaryda aıtylǵandardy eskere otyryp, nemis ınvestorlarymen yntymaqtastyq biz úshin aıryqa mańyzǵa ıe ekendigin atap ótkim keledi. Biz german bıznesiniń ókilderine Qazaqstandaǵy birlesken jobalaryn tabysty júzege asyrý úshin tolyqtaı qoldaý kórsetýge daıynbyz», - dedi Roman Sklıar.


Joǵary qaraı