Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan BUU Adam quqyqtary jónindegi keńesiniń otyrysyna qatysty

2021 jyldyń 22 aqpan 2021 21:16

NUR-SULTAN. QazAqparat – Premer-Mınıstrdiń orynbasary - Syrtqy ister mınıstri Muhtar Tileýberdi Jenevada ótip jatqan BUU Adam quqyqtary jónindegi keńesiniń (BUU AQK) 46-shy sessııasynyń joǵary deńgeıdegi segmenttiń onlaın-otyrysyna qatysty, dep habarlaıdy QR SІM baspasóz qyzmeti.

Іs-sharaǵa BUU-nyń Adam quqyqtary jónindegi Joǵarǵy komıssary Mıshel Bachelet, 150-den astam eldiń úkimet basshylary men mınıstrleri, sondaı-aq halyqaralyq uıymdardyń ókilderi qatysty.

M.Tileýberdi óz sózinde Táýelsizdigimizdiń 30 jyldyǵynda el damýynyń negizgi basymdyqtarynyń biri Tuńǵysh Prezıdent - Elbasy Nursultan Nazarbaevtyń adam quqyqtary salasyndaǵy ulttyq jáne halyqaralyq standarttardy saqtaýǵa arnalǵan baǵyty bolyp qala beretinin atap ótti.




Syrtqy saıası vedomstvosynyń basshysy qatysýshylardy Prezıdent Qasym-Jomart Toqaevtyń adam quqyqtaryn qorǵaý, demokratııalyq qoǵam qurý jáne «Halyq únine qulaq asatyn memleket» tujyrymdamasyn engizý bóliginde bastamashylyq etken saıası reformalar paketin iske asyrýdyń tabysty tájirıbesi týraly habardar etti. Atap aıtqanda, beıbit jıyndar týraly jańa zańnyń qabyldanýy, jala jabýdy qylmystyq sıpattan aryltý, qylmystyq kodekstiń jekelegen baptaryn izgilendirý, áıelder men jastar úshin 30% saılaý kvotasyn engizý, sondaı-aq Qazaqstannyń ólim jazasynyń kúshin joıý týraly ekinshi Fakýltatıvtik Hattamasyna qosylýy ózekti jetistikter qatarynda atap ótildi.

M. Tileýberdi Qazaqstannyń beıbitshilikti, kelisimdi nyǵaıtý jáne adamnyń irgeli quqyqtaryn qamtamasyz etý boıynsha ujymdyq jahandyq kúsh-jigerge barynsha úles qosýǵa beıildiligin rastady. Osyǵan baılanysty ol Qazaqstannyń 2022-2024 jyldarǵa arnalǵan BUU AQK músheligine ótinimin jarııalap, onyń halyqaralyq qoǵamdastyqtyń tarapynan qoldaýyna úmit bildirdi.





Basty sózder: Halyqaralyq uıymdar, Adam quqyǵy, BUU,
Joǵary qaraı