Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan bıdaı men undy aýǵan naryǵyna qaıta shyǵara bastady

2021 jyldyń 14 qazan 2021 09:16

NUR-SULTAN. QazAqparat - Jyl saıyn Qazaqstan álemniń túrli elderine eksportqa 7-8 mln tonna astyq pen un jiberedi. Bul rette Aýǵanstan negizgi emes, qazaqstandyq bıdaı men undy ótkizýdiń basty jáne dástúrli naryqtarynyń biri bolyp tabylady. Bul týraly QazAqparat Aýyl sharýashylyǵy mınıstrligine silteme jasap habarlaıdy.

QazTrade derekteri boıynsha, Qazaqstan Respýblıkasynyń aýmaǵynda jumys isteıtin 300 un eksporttaýshynyń 183-i ózge naryqpen jáne aýǵan naryǵymen de ózara is-qımyl jasaýda. Taǵy 49-y tek Aýǵanstanǵa júk jóneltýmen aınlysady. Eksporttaýshylardyń jolǵa qoıylǵan kólik dálizderi men jańa bılik kezinde de jumysyn jalǵastyryp jatqan bıznes-baılanystary bar. Qazaqstandyq aýyl sharýashylyǵy ónimderin Soltústik Aýǵan provıntsııalary – Balh, Baǵlan, Tahar jáne Qundyz, sondaı-aq astanalyq aımaq jáne Qabýl qalasy paıdalanatynyn aıta ketý kerek.

«Aýǵanstandaǵy saıası ahýaldyń ózgerýi shynymen de barlyq áriptes eldermen, onyń ishinde Qazaqstanmen saýda operatsııalarynyń toqtatyla turýyna alyp keldi. Biraz ýaqyt boıy bankaralyq tranzaktsııalar men temirjol vagondaryn jetkizý múmkin bolmady, óıtkeni ıeleri olardyń sautalýy men qaıtarylýy úshin qoryqty. Alaıda, qazirgi ýaqytta problemalar sheshildi: tranzaktsııalar úshinshi elderdiń bankteri arqyly júzege asyrylady, vagondardy jóneltý qalpyna keltirildi. Qyrkúıek pen qazan aıynyń basynda Qazaqstannan Aýǵanstanǵa 60,2 myń tonna un men 15,6 myń tonna astyq jóneltildi. Keıin jetkizý qarqyny artatyn bolady», - delingen mınıstrlik habarlamasynda.


Joǵary qaraı