Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan Azııadaǵy ózara is-qımyl jáne senim sharalary keńesine tóraǵalyqty qabyldady

2020 jyldyń 24 qyrkúıek 2020 16:55

NUR-SULTAN. QazAqparat – Búgin Qazaqstan Respýblıkasynyń Syrtqy ister mınıstri Muhtar Tileýberdiniń tóraǵalyǵymen Azııadaǵy ózara is-qımyl jáne senim sharalary keńesine (AÓSShK) múshe memleketterdiń Syrtqy ister mınıstrleri keńesiniń otyrysy ótti, dep habarlaıdy QazAqparat tilshisi.

Beınekonferentsııa formatynda kezdesýdiń basty maqsaty AÓSShK-tegi tóraǵalyqtyń Tájikstan Respýblıkasynan Qazaqstan Respýblıkasyna tabystalýy boldy.

M.Tileýberdi AÓSShK-ke 2020-2022 jyldarda tóraǵalyq etý kezeńinde Qazaqstannyń kózqarasy men basymdyqtaryn usyndy. QR SІM basshysy QR Tuńǵysh Prezıdenti – Elbasy Nursultan Nazarbaev 1992 jyly BUU Bas Assambleıasynyń 47-sessııasynda alǵash ret jarııalaǵan AÓSShK-ti qurý týraly ıdeıasy Azııadaǵy senimdilik pen qaýipsizdikti nyǵaıtý salasyndaǵy yntymaqtastyqtyń jańa formatyn qalyptastyrýǵa yqpal etkenin atap ótti.

«Qazaqstan tóraǵalyǵynyń basty basymdyǵynyń biri Keńesti odan ári ınstıtýttandyrý bolmaq. Bul, óz kezeginde oǵan múshe-memleketter arasyndaǵy yntymaqtastyqty keńeıtýge, sondaı-aq Forýmnyń halyqaralyq arenadaǵy mártebesin kóterýge múmkindik beredi.

Buǵan qosa, 2019 jyly maýsymda Dýshanbede ótken sammıt barysynda AÓSShK Danalar keńesin, AÓSShK qoryn qurý men AÓSShK-tiń taldaý ortalyqtarynyń forýmyn turaqty jumys isteıtin dıalog alańy retinde qaıta qalyptastyrý jónindegi QR Prezıdenti Qasym-Jomart Toqaevtyń bastamalaryn ilgeriletý josparlanýda», - delingen SІM aqparatynda.

Mınıstr qazaqstandyq tóraǵalyq barysynda AÓSShK-tiń Senim sharalary katalogyn is júzinde júzege asyrý boıynsha, sondaı-aq basqa da aımaqtyq uıymdarmen jáne forýmdar men syrtqy baılanystardy keńeıtý boıynsha jumystardyń nyǵaıtylatynyn atap ótti.

Sondaı-aq shara barysynda syrtqy saıası vedomstvolardyń basshylary QR-dyń Aýstrııadaǵy Elshisi Qaırat Sarybaıdyń kandıdatýrasyn AÓSShK Hatshylyǵynyń Atqarýshy dırektory laýazymyna biraýyzdan maquldady.

Sonymen birge, qatysýshy elderdiń basshylary halyqaralyq jáne óńirlik kún tártibindegi birqatar ózekti máseleler boıynsha, onyń ishinde AÓSShK-ge múshe memleketterdiń koronavırýs pandemııasy jaǵdaıyndaǵy yntymaqtastyq pen keleshegi boıynsha syndarly pikir almasýlar júrgizdi.

Jıynǵa qatysýshylar Keńes sheńberindegi yntymaqtastyqty kúsheıtýdiń mańyzdylyǵyn jáne Qazaqstannyń Forýmdaǵy tóraǵalyǵy barysynda Azııadaǵy beıbitshilikti, qaýipsizdik pen órkendeý boıynsha yntymaqtastyqty jandandyrýǵa daıyn ekendikterin atap ótti.

Aıta keteıik, AÓSShK-tiń basty maqsattary Azııada beıbitshilik pen qaýipsizdikti qamtamasyz etý úshin tıimdi jáne qolaıly qurylymdy qurýǵa baǵyttalǵan.

Qazirgi tańda AÓSShK-ke 27 memleket múshe, 8 memleket pen 5 halyqaralyq uıym Keńestiń jumysynda baqylaýshy retinde qatysady. AÓSShK hatshylyǵy Nur-Sultan qalasynda ornalasqan.


Joǵary qaraı