Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan azamattary referendýmǵa shetelden de qatysa alady - SІM

2022 jyldyń 21 mamyr 2022 11:16

NUR-SULTAN. QazAqparat - Qazaqstan azamattary QR Konstıtýtsııasyna ózgerister men tolyqtyrýlar engizý jónindegi referendýmǵa shetelden de qatysa alady. Bul týraly QR syrtqy ister mınıstrliginiń baspasóz qyzmeti málim etti, dep habarlaıdy QazAqparat.

«QR Prezıdentiniń bıylńy 5 mamyrdaǵy №888 Jarlyǵyna sáıkes 5 maýsymda Qazaqstan Respýblıkasynyń Konstıtýtsııasyna ózgerister men tolyqtyrýlar engizý boıynsha jalpyulttyq referendým ótedi.

Qazaqstannyń sheteldegi mekemeleriniń janynan 52 shet memlekette 65 ýchaskelik komıssııa quryldy»,-delingen habarlamada.

Daýys berýge qatysý úshin belsendi saılaý quqyǵy bar, tıisti shet memlekette turatyn nemese jeke, qyzmettik, iskerlik jáne týrıstik maqsatpen júrgen jáne QR azamatynyń jaramdy pasporty bar Qazaqstan Respýblıkasynyń azamattary ýchaskelik komıssııa qurylǵan Qazaqstannyń dıplomatııalyq ókildigine júgine alady.

QR sheteldegi mekemelerinde daýys berý «Qazaqstan Respýblıkasyndaǵy saılaý týraly» QR Konstıtýtsııalyq zańynyń 38-shi babynyń 1-shi tarmaǵyna sáıkes referendým ótkiziletin kúni (2022 jylǵy 5 maýsym) jergilikti ýaqyt boıynsha saǵat 07:00-den 20:00-ge deıin ótkiziletin bolady.

«Sonymen birge, sheteldegi saılaý protsesin ýaqtyly jáne tolyqtaı daıyndaý maqsatynda Qazaqstan Respýblıkasynyń azamattaryn jaqyn mańdaǵy saılaý ýchaskesine aldyn-ala habarlasyp, saılaýshylar tizimine engizý úshin málimet berýlerin suraımyz»,-dep habarlady QR SІM.


Joǵary qaraı