Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan azamattary otandyq ǵalymdar ázirlegen COVID-19-ǵa qarsy vaktsınany saldyrýda

2020 jyldyń 18 qazan 2020 21:48

NUR-SULTAN. QazAqparat - Qazaqstan azamattary óz erikterimen otandyq ǵalymdar ázirlegen koronavırýsqa qarsy vaktsınany tájirıbe retinde saldyrylyp jatyr. Solardyń biri - saıasattanýshy Maqsat Jaqaý vaktsınatsııadan ótkendigin Facebook paraqshasynda jarııa etti, dep habarlaıdy QazAqparat tilshisi.

«Búgin adamzattyń qas jaýyna aınalǵan COVID-19-ǵa qarsy otandyq vaktsınany arnaıy medıtsınalyq tekserýlerden iriktelip, óz erkimmen saldyrdym. Qatysýshylar kóp. Biraq densaýlyqtaryna baılanysty kóbi ótpedi. 18-ben 50 jas aralyǵyndaǵy kandıdattar tizimimen vaktsınatsııanyń ekinshi kezeńinde tájirıbelik topqa endim. Vaktsınany jasaýmen medıtsına ǵylymynda esimderi álemge tanylǵan professorlar aınalysty. Bul ǵylymymyzdyń joǵarǵy kórsetkishin tanytady. Buıyrsa vaktsınanyń oń nátıjelerine qaraı elimizdiń ǵana emes, álemdik deńgeıde adamzattyń ıgiligine qoldanatyn em-domnyń shyǵýyna senýimiz kerek. Bastysy vırýs bolsa onyń antıvırýsy da bolýy kerek. Otandyq ǵylym sol jolda izdenis ústinde», - deıdi Maqsat Jaqaý.

Aıta keteıik, QR Bilim jáne ǵylym mınıstri Ashat Aımaǵambetov te koronavırýs indetine qarsy ázirlengen otandyq vaktsınany saldyrǵandyǵyn aıtqan bolatyn.

Buǵan deıin QR BǴM Ǵylym komıtetiniń Bıologııalyq qaýipsizdik problemalary ǵylymı-zertteý ınstıtýtynda ázirlengen koronavırýs ınfektsııasyna qarsy QazCovid-in vaktsınasyn klınıkalyq zertteý bastalǵan habarlaǵan edik.


Avtor Marlan Jıembaı
Basty sózder: Volonter, Vaktsına, Koronavırýs,
Joǵary qaraı