Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan aýmaǵynda UQShU bitimgerlik kontıngentiniń qandaı jasaqtary jumys istedi

2022 jyldyń 19 qańtar 2022 15:31

NUR-SULTAN. QazAqparat – QR Qorǵanys mınıstrligi Halyqaralyq yntymaqtastyq departamentiniń bastyǵy Oljas Qusaıynov UQShU bitimgerlik mıssııasynyń Qazaqstan aýmaǵynda qandaı jumys tyndyrǵanyn aıtty, dep habarlaıdy QazAqparat tilshisi.

«Oqıǵalardyń qarqyndy órbýine baılanysty, bitimgerlerdiń bólimsheleri elge 6-shy qańtarda kele bastady.

Qysqa merzimde Reseıdiń áskerı-kólik avıatsııasyn paıdalana otyryp, eki myńnan astam adam men 250 birlik tehnıka jetkizildi.

Sonymen qatar Qazaqstannyń Qarýly Kúshteri bitimgershilik kontıngenttiń qaýipsiz kelýin qamtamasyz etti. Áýe shabýylyna qarsy qorǵanys kúshteri Qazaqstan aýmaǵy ústinen áskerı-kólik avıatsııasynyń ushý qaýipsizdigin qadaǵalady. Desanttyq-shabýyldaý áskerleri Ujymdyq bitimgershilik kúshteriniń negizgi bólimsheleri kelgen Almaty qalasynyń áýejaıyn kúzetýge jáne qorǵaýǵa aldy. Bitimgerlerdiń áskerı tehnıka lekteriniń qozǵalysymen ilesip júrý uıymdastyryldy», -dedi ol ortalyq kommýnıkatsııalar qyzmetinde ótken brıfıngide.

Aıtýynsha, Ujymdyq bitimgershilik kúshteri shtaby QR Qarý Kúshteri Bas shtabynyń jedel tobymen, Almaty qalasynyń komendatýrasymen, terrorızmge qarsy kúres jónindegi Almaty qalalyq jedel shtabymen únemi aqparat almasyp otyrǵan.

«Ujymdyq bitimgershilik kúshter jedel óristetilip, elimizdiń memlekettik organdarymen kelisim boıynsha olarǵa júktelgen strategııalyq obektilerdi qorǵaý mindetterin oryndaýǵa kiristi.

Kontıngentter áýejaılardy, áskerı qoımalardy jáne azamattardyń ómirin qamtamasyz etetin basqa da strategııalyq nysandardy qalqalaý jáne olardyń qaýipsizdigin qamtamasyz etý qyzmetterin atqardy.

Bul sharalar terrorızmge qarsy operatsııany tikeleı júrgizý úshin kúshter men quraldardyń edáýir bóligin bosatýǵa múmkindik berip, terrorıstik belsendiliktiń tutastaı tómendeýine yqpal etti», - dedi mınıstrliktiń Halyqaralyq yntymaqtastyq departament bastyǵy.


Joǵary qaraı