Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan aýmaǵynda 11 esirtki zerthanasy joıyldy

2022 jyldyń 16 mamyr 2022 11:33

NUR-SULTAN. QazAqparat – Bıyl elimizde myńǵa jýyq esirtki qylmysynyń beti ashyldy. Bul týraly QR ІІM Esirtki qylmysyna qarsy is-qımyl departamenti bastyǵynyń mindetin atqarýshy Asqar Muhametqalıev málim etti, dep habarlaıdy QazAqparat tilshisi.

«Bıylǵy 4 aıda 918 esirtiki qylmysy anyqtaldy. Onyń ishinde 636-sy esirtkini saýdalaý jáne 176-sy esirtkini asa iri mólsherde saqtaý faktisi. Nur-Sultan qalasy jáne Atyraý oblysynda kannabıs tobyndaǵy esirtikilerdi jetkizýmen jáne satýmen aınalysqan, eki uıymdasqan qylmystyq top qyzmetiniń joly kesildi», - A. Muhametqalıev onlaın brıfıng barysynda.

Onyń aıtýynsha, 1,5 tonnaǵa jýyq túrli esirtki tárkilendi, sonyń arasynda 1 tonna 137 keli marıhýana, 285 keli gashısh jáne 61 keli sıntetıkalyq esirtki bar.

«Nur-Sultan (3), Almaty (1) qalalarynda, Aqtóbe (2), Almaty (1), Shyǵys Qazaqstan (2), Jambyl (1) jáne Qaraǵandy (1) oblystarynda 11 esirtki zerthanasy joıyldy. Esirtki óndirisine qatysy bar degen kúdikpen 15 adam ustaldy. 56 keli esirtki jáne 165 lıtr prekýrsor tárkilendi», - dedi departament ókili.

Sonymen qatar ol elimizdiń joldarynda esirtkige masaıǵan kúıinde kólik basqarǵan 423 júrgizýshi ustalǵanyn aıtty.


Joǵary qaraı