Aýa raıy
Astana 20 °S
Almaty 27 °S
valıýta baǵamy
USD 412.55
EUR 465.73
RUB 5.79
CNY 58.91

Qazaqstan alǵash ret fýtbol frıstaılynan álem chempıonatyna qatysýda

2019 jyldyń 14 qarasha 2019 12:12

NUR-SULTAN. QazAqparat – Astanalyq Nurseıit Dosmaǵambet fýtbol frıstaılynan álem básekesinde alǵash bolyp el namysyn qorǵaýda, dep habarlaıdy QazAqparat tilshisi.

Osy kúnderi (11-16 qarasha) AQSh-tyń Florıda shtaty, Maıamı qalasynda fýtbol frıstaılynan álem chempıonaty ótip jatyr. Ol — búkilálemdik frıstaıl qaýymdastyǵy (WFFA) 11 jyl boıy uıymdastyryp kele jatqan eń tanymal sporttyq shara. Jyl boıy 50 el ókilderi chempıonattyń irikteý kezeńinen ótti.




Bıylǵy álem chemponatyna alǵash ret Qazaqstannan Nurseıit Dosmaǵambet shaqyrtý aldy. Jerlesimiz úsh dúrkin fýtbol frıstaılynan el chempıony, bıylǵy Reseıde ótken ashyq chempıonattyń jeńimpazy, sondaı-aq birneshe halyqaralyq týrnırdiń júldegeri.




«Men bul sportpen 8 jyl boıy aınalysyp kelemin. Kúnine 4-5 saǵatymdy jattyǵýǵa arnaımyn. 2015 jyly Djakartada ótken Azııa chempıonatyna qatysyp, úzdik 10 frıstaıler qatarynan kórindim. Men fýtbol frıstaılynan álem chempıonatynda alǵash bolyp el namysyn qorǵap jatqynyma qýanyshtymyn. Bıyl L. Gýmılev atyndaǵy EUÝ-dy bitirdim, biraq mamandyǵym boıynsha jumys istemeımin. Qazirgi kúni elordada fýtbol frıstaılynan óz mektebimdi ashyp, 20-dan astam balany baýlýdamyn. Jalpy elimizde fýtbol frıstaıly sport túriniń damyǵanyn qalaımyn», - dedi Nurseıit Dosmaǵambet.










Avtor Dáýlet Іztileý
Basty sózder: Sport, Nur-Sultan,
Joǵary qaraı