Aýa raıy
Astana -18 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan 26 qazannan qandaı elderge áýe reısterin qysqartady

2020 jyldyń 21 qazan 2020 17:20

NUR-SULTAN. QazAqparat - Qazaqstan 26 qazannan birqatar shet memleketke avıareısterdi qysqartady. Bul týraly QR Densaýlyq saqtaý vıtse-mınıstri Ajar Ǵınııat aıtty, dep habarlaıdy QazAqparat tilshisi.

«Sondaı-aq álemdegi epıdemıologııalyq ahýaldyń nasharlaýyna baılanysty vedomstvoaralyq komıssııa shekaradaǵy baqylaýdy qosymsha kúsheıtý týraly usynysty maquldady. 26 qazannan bastap myna elderge áýe reısteriniń sany qysqartylady: Ýkraına, BAÁ, Germanııa, Belarýs, Túrkııa. Qazaqstan Respýblıkasyna keletin azamattardyń mindetti túrde tapsyrylǵanyna 72 saǵattan aspaǵan PTR-test anyqtamasy bolýy qajet. Eger anyqtamasy bolmasa, qazaqstandyqtar eki táýlikke karantındik statsıonarǵa jatqyzylady. Sheteldik azamattar eline qaıtadan departatsııalanady», - dedi Ajar Ǵınııat Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, óńirlerdegi epıdemıologııalyq jaǵdaıdy eskere otyryp, 12 óńirdiń – Nur-Sultan, Almaty qalalarynyń , SQO, BQO, Aqmola, Mańǵystaý, Almaty, Pavlodar, Qostanaı, ShQO, Qaraǵandy, Jambyl oblystarynyń ákimdikteri karantın sharalaryn kúsheıtý týraly sheshim qabyldady.

«PTR-test tapsyrǵandar qatarynyń kóbeıýine baılanysty COVID-19-ǵa shaldyqqandar sany artýda. Qazirgi ýaqytta zerthanalar táýligine 55 myńǵa jýyq test jasaı alady. Elimizde 13 355 ınfektsııalyq tósek-oryn bar. Onyń 16 paıyzynda búginde naýqastar jatyr – 2 myńnan astam. Sondaı-aq 6 841 karantındik tósek-oryn daıyndap qoıdyq. Onyń 8 paıyzynda ǵana patsıentter bar, 600-ge jýyq adam. Qosymsha 3 335 kerýet jańa ınfektsııalyq aýrýhanalarda iske qosylady», - dedi vıtse-mınıstr.


Joǵary qaraı