Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan 2060 jylǵa qaraı kómirteginen taza el bolýdy kózdeıdi – Toqaev

2021 jyldyń 23 qyrkúıek 2021 08:41

NUR-SULTAN. QazAqparat – Qazaqstan 2060 jylǵa qaraı kómirteginen taza el bolýdy kózdeıdi. Bul týraly QR Prezıdenti Qasym-Jomart Toqaev BUU Bas Assambleıasy 76-sessııasynyń Jalpy debattarynda sóılegen sózinde aıtty, dep habarlaıdy QazAqparat.

Jıynda Memleket basshysy kómirqyshqyl gazdyń óte joǵary deńgeıine, ormandardyń órtke oranýy, tsıklondar, sý basý men qurǵaqshylyq adamdarǵa apat alyp keletin qalypty jaǵdaıǵa aınalyp otyrǵanyn atap ótti.

«Teńizge shyǵatyn joly joq iri memleket bolyp sanalatyn Qazaqstannyń klımaty tez ózgerip jatyr, sonysymen halqymyz ben ekonomıkamyzǵa qaýip keltirýde. Sońǵy 75 jyldyń ishinde jyldyq ortasha temperatýra 2 gradýska jylynyp, qazirgi ýaqytta ár bes jyl saıyn qýańshylyq bolyp keledi. Osyǵan baılanysty Qazaqstan 2060 jylǵa qaraı kómirteginen taza el bolýdy kózdeıdi. Kelesi aıdan bastap biz 2008 jylǵy deńgeımen salystyrǵanda ishki jalpy ónimniń energııa shyǵynyn 50 paıyzǵa azaıtýǵa baǵyttalǵan 2050 jylǵa deıin kómirtegi az ulttyq strategııany damytýdy bastaımyz», – dedi Qazaqstan Prezıdenti.



Joǵary qaraı