Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QazAqparat ujymy «Eń meıirimdi redaktsııa» atalymy boıynsha marapattaldy

2021 jyldyń 3 jeltoqsan 2021 15:51

PAVLODAR. QazAqparat - «Qaıyrymdy ister marafony» ulttyq jobasy aıasynda uıymdastyrylǵan «Eń meıirimdi» baıqaýynda «QazAqparat» HAA» AQ ujymy «Eń meıirimdi redaktsııa» atalymy boıynsha júldeli II orynǵa ıe boldy.

Atalǵan baıqaý boıynsha, Qostanaı oblysynan «Rıtm» gazeti I oryn alsa, Atyraý oblysynyń «Maqat tynysy» gazeti III oryn ıelendi.

Aıta keteıik, «QazAqparat» HAA» AQ ujymy muqtaj otbasylar úshin qaıyrymdylyq sharalaryn 2016 jyldan beri júıeli uıymdastyryp júr. Ár januıaǵa azyq-túlikter úlestirilip, aqshalaı da kómek berilip keledi.




Qaıyrymdylyq aktsııalary ár jyly dástúrli túrde Naýryz meıramy, «Mektepke jol» aktsııasy, Oraza aıt, Qurban aıt merekelerinde jáne Táýelsizdik kúnine oraı uıymdastyrylady. Sondaı-aq, atalǵan aktsııalardan tys, naýqas jandardyń emine qarajat ta jınap berip keledi.

Búginge deıin agenttik ujymy 20 otbasyǵa qol ushyn sozdy. Sonyń ishinde 4 januıa turaqty qamqorlyqqa alynǵan. Osy ujymnyń turaqty qamqorlyǵyndaǵy 4 januıaǵa qosymsha kómek kórsetý úshin kásipker azamattardyń da demeýshilik qarajaty tartylady. Budan bólek, agenttiktiń jeke qyzmetkerleri de aktsııalardan tys, óz erkimen jáne jeke qarjysyna járdem berip keledi.

Eske sala keteıik, «Qaıyrymdy ister marafony» jalpyulttyq jobasy Azamattyq bastamalardy qoldaý ortalyǵy men Aqparat jáne qoǵamdyq damý mınıstrliginiń qoldaýymen júzege asyrylýda. Jobanyń basty maqsattarynyń biri – jaqsylyqqa jany qumar adamdardy biriktirý jáne uıymdastyrý, qoǵam men adamdardyń ómirin jaqsy jaqqa ózgertýge múmkindik beretin, jomarttyq pen jaqsylyq ıdeıasyna negizdelgen qoǵam qurý.







Avtor Rızabek Núsipbekuly
Basty sózder: BAQ, Qaıyrymdylyq,
Joǵary qaraı