Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

QazAqparat Elbasy mýzeıi týraly derekti fılm túsirdi

2021 jyldyń 1 jeltoqsan 2021 10:56

NUR-SULTAN. QazAqparat – «QazAqparat» halyqaralyq aqparat agenttigi oqyrman nazaryna QR Tuńǵysh Prezıdenti – Elbasy mýzeıi týraly eki tilde túsirilgen fılmdi oqyrman nazaryna usynady. Bul fılm QR Tuńǵysh Prezıdenti kúnine oraı túsirilgen, dep habarlaıdy QazAqparat tilshisi.

Ótken jyly Esildiń sol jaǵalaýynda Tuńǵysh Prezıdent mýzeıiniń jańa ǵımaraty ashylǵan bolatyn. Búgingi tańda mýzeıdi kúnine myńnan astam kelýshi tegin tamashalaıdy.

Jańa mýzeıde 140 myńnan astam arhıvtik qujattar men 35 myńǵa jýyq kitap bar. Munda N. Nazarbaevtyń balalyq shaǵynan bastap, ómiriniń ár kezeńindegi mańyzdy derekter jınalǵan.

Mýzeı zaldarynda Tuńǵysh Prezıdenttiń ómiri men qyzmeti arqyly Táýelsiz Qazaqstan tarıhynyń basty kezeńderi beınelengen. Sondyqtan ekspozıtsııalarǵa kirispe «Elbasyna aparar jol» beınesaıahatynan bastalady. Bul vıdeoda Máńgilik El ıdeıasynyń mán-mańyzy túsindiriledi. Vıdeodan keıin kórermender «Máńgilik el» ıdeıasyndaǵy qoladan jasalǵan músindik kompozıtsııalardy tamashalaı alady. Ortada Elbasy beınesi, onyń artynda – Qazaqstannyń kópultty halqy beınelengen barelef tur. Sol jaqta – Otan qorǵaýshy batyr men qazirgi áskerı qyzmetshi, al oń jaǵynda – ana men ákeniń músini ornalasqan.

Buǵan deıin Elbasynyń jańa mýzeıinde qandaı jádigerler bar ekendigin jazǵan edik.



Joǵary qaraı