Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqkontsert ártisteri Dýshanbede óner kórsetti

2021 jyldyń 17 qyrkúıek 2021 21:53

DÝShANBE. QazAqparat - «Qazaqkontsert» ártisteri Shanhaı yntymaqtastyq uıymynyń 20-shy mereıtoılyq sammıtiniń gala-kontsertinde óner kórsetti, dep habarlaıdy QazAqparat tilshisi.

Tájikstan, Ózbekstan, Pákistan, Qyrǵyzstan, Reseı, Qytaı jáne Úndistan ókilderi bas qosqan bul is-sharada otandyq ártister qazaq mádenıetin joǵary dárejede kórsete bildi.

«Ulttyq án óneriniń úzdik úlgilerin Qazaqkontsert solısi, Qazaqstannyń eńbek sińirgen qaıratkeri Erlan Rysqalı usyndy. Ánshi belgili kompozıtor Baýyrjan Aqtaevtyń óńdeýindegi «Moldabaıdyń áni» týyndysyn oryndady. B.Aqtaevtyń kórkemdik jetekshiligimen óner kórsetetin «Astana sazy» folklorlyq ansambli de onyń «Arnaý» mýzykalyq shyǵarmasyn oryndap, jınalǵan qaýymdy tánti etti. Uly dala eliniń mádenı bolmysyn jetkize bilgen bul týyndy kópshiliktiń zor yqylasyna bólendi. Sondaı-aq sheteldik kórermender «Saltanat» memlekettik bı ansambliniń oryndaýyndaǵy bı kompozıtsııalaryn tamashalaı aldy», - dep atap ótedi Qazaqkontsert» baspasóz qyzmetinen.

Qazaqkontsert ártisteri óz óneri arqyly ShYU-na múshe elderdiń arasyndaǵy yntymaqtastyq jáne dostyq qarym-qatynastyń nyǵaıýyna óz úlesin qosty. Shanhaı Yntymaqtastyq uıymynyń sammıti aıasynda otandyq ártister endi 18 qyrkúıek kúni Tájikstannyń Bohtar qalasynda ótetin úlken kontsertte óner kórsetpek.





Avtor Marlan Jıembaı
Basty sózder: Mádenıet, ShYU, TMD, Tájikstan,
Joǵary qaraı