Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaq jerinde ıadrolyq qarý úni óshkenine 30 jyl toldy

2021 jyldyń 29 tamyz 2021 10:46

NUR-SULTAN. QazAqparat – Búgin - ıAdrolyq synaqtarǵa qarsy is-qımyldyń halyqaralyq kúni, dep habarlaıdy QazAqparat tilshisi.

1991 jyly 29 tamyzda QR Prezıdenti Nursultan Nazarbaevtyń Jarlyǵymen Semeı ıadrolyq polıgony jabyldy. Este bolsa, 2009 jyly Qazaqstan BUU Bas assambleıasynyń Birinshi komıtetine 29 tamyzdy Búkilálemdik ıadrolyq qarýdan bas tartý kúni dep jarııalaýdy usynǵan bolatyn. Al 2010 jyly BUU 29 tamyzdy ıadrolyq synaqtarǵa qarsy is-qımyldyń halyqaralyq kúni dep jarııalaǵan edi.

Tarıhı derekterge júginsek, 40 jyldyń ishinde respýblıka aýmaǵynda 456 jerasty jáne jerústi synaǵy jasaldy. Olardyń jalpy qýaty 1945 jyly Hırosımaǵa tastalǵan bombanyń qýatynan 2,5 esege asyp túsedi. Jalpsy osy ýaqytqa deıin búkil álemde jasalǵan barlyq synaqtardyń 24 paıyzy Qazaqstan aýmaǵynda oryn aldy.

KSRO ydyraǵan tusta Qazaqstan terrıtorııasynda, naqtyraq aıtqanda Semeı, Saryózek jáne Baıqońyrda ár qaısysynda 10 oqtumsyq qondyrylǵan 108 zymyran turaqty kezekshilikte turdy. Al ıadrolyq zarıady bar oqtumsyqtardyń jalpy sany 1 400 dana edi. Sonymen qatar, 240 ıadrolyq qanatty zymyrandarmen jabdyqtalǵan 40 TÝ-95 MS strategııalyq bombalaýshy ushaqtar bolǵany este.


Joǵary qaraı