Aýa raıy
Astana -11 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Qazaq Respýblıkasynyń ataýyn qaıtarý kerek - Azat Perýashev

2020 jyldyń 20 qarasha 2020 11:22

NUR-SULTAN. QazAqparat – «Aq jol» demokratııalyq partııasy Qazaq Respýblıkasy ataýyn qaıtarýdy usyndy, dep habarlaıdy QazAqparat tilshisi.

«Bıyl Alash avtonomııasynan bastaý alatyn jáne qazirgi Qazaqstannyń negizin qalaǵan Qazaq Respýblıkasyna 100 jyl toldy. Aldymen qatelesip Qyrǵyz avtonomııalyq respýblıkasy dep atalyp, bes jyldan keıin Sultanbek Qojanuly, Sáken Seıfýllın, Jalaý Myńbaıuly jáne basqa da tulǵalardyń arqasynda respýblıkamyzǵa ultymyzdyń tól ataýy qaıtaryldy.

Ótken jyly «Aqjol» demokratııalyq partııasy Úkimetke bul tarıhı datany resmı túrde atap ótýdi jáne Qazaqstan atymen qatar totalıtarlyq Keńes bıliginiń ózi moıyndaǵan Qazaq Respýblıkasy ataýyn qoldaný týraly máseleni kóterdi. Bul bastamany Sh. Ýálıhanov atyndaǵy tarıh ınstıtýty qoldady. Biraq bizdiń sheneýnikter únsiz qaldy. Sonda da biz tarıhı birligimizdi bildiretin Qazaq Respýblıkasy memlekettik ataýyn qaıtarýdy jón dep sanaımyz», - dedi «Aq jol» demokratııalyq partııasynyń tóraǵasy A. Perýashev partııa quryltaıynda.

Bıyl mamyr aıynda «Aqjol» demokratııalyq partııasy Prezıdent Q.Toqaevtyń stalındik qýǵyn-súrgin qurbandaryn aqtaý sharalaryn jalǵastyrý týraly tapsyrmasyna qoldaý bildirdi.

«Biz keńestik-totalıtarlyq bıliktiń qazaq halqyna ádeıi jasaǵan asharshylyqty halyqaralyq deńgeıde zulmat dep tanýǵa shaqyrdyq. Bolshevıkter áskeriniń ujymdastyrý kezindegi júzdegen qazaq kóterilisin janshyp-basýyn, óz aýyldaryn qutqaramyn dep basyn ólimge tikken batyrlardyń erlik isterin qaıta qaraý kerek dep sanaımyz. Tarıhı ádildikti qalpyna keltirý úshin biz dekommýnızatsııa saıasatyn partııamyzdyń resmı baǵyttarynyń biri dep jarııaladyq», - deıdi A. Perýashev.

Aıta keteıik, «Aq jol» demokratııalyq partııasynyń XVI saılaýaldy quryltaıynda partııanyń saılaýaldy baǵdarlama jobasy usynyldy. Partııa tóraǵasy Azat Perýashev baǵdarlamadaǵy eń negizgi basymdyq – Táýelsizdik jáne Alash ulttyq ıdeıasy ekenin atap ótti.


Joǵary qaraı