Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaq kúresinen polıtseıler arasyndaǵy QR chempıonatynyń jeńimpazdary anyqtaldy

2022 jyldyń 24 sáýir 2022 13:50

PETROPAVL. QazAqparat – Qazaqstan polıtsııasynyń 30 jyldyǵyna oraı Іshki ister mınıstri qazaq kúresinen uıymdastyrǵan spartakıadanyń jeńimpazdary belgili boldy, dep habarlaıdy QazAqparat tilshisi.

22-23 sáýir kúnderi Petropavldaǵy A.Vınokýrov Sport saraıynda elimizdiń túkpir-túkpirinen kelgen pogondaǵy palýandar qazaq kúresinen ózara myqtyny anyqtady.

Soltústik Qazaqstan oblysy polıtsııa departamenti baspasóz qyzmetiniń málimetinshe, spartakıada qorytyndysy boıynsha júldeli úshinshi oryndy Almaty qalalyq polıtsııa departamenti ıelendi. Ekinshi oryndy Nur-Sultan qalasynyń polıtsııa departamenti, birinshi oryndy Qaraǵandy oblysy polıtsııa departamenti qyzmetkerleri jeńip aldy. «Dınamo» dene shynyqtyrý-sport qoǵamynyń vedomstvoaralyq spartakıadasynyń qorytyndysy boıynsha úshinshi oryndy TJM komandasy, ekinshi oryndy Ulttyq ulannyń komandasy, birinshi oryndy ІІM komandasy aldy.

100 kg jáne odan joǵary salmaq dárejesi boıynsha birinshi orynǵa Almaty oblysy polıtsııa departamentiniń qyzmetkeri Jánibek Dúısembaev laıyqtaldy. 100 kg salmaqta Almaty oblysy polıtsııa departamentiniń qyzmetkeri – Aleksandr Kosachev, 90 kg salmaqta Aqmola oblysy polıtsııa departamentiniń qyzmetkeri – Áset Júnisov, 82 kg salmaqta Túrkistan oblysy polıtsııa departamentiniń qyzmetkeri – Erkeǵalı Qýandyq, 74 kg salmaqta Almaty qalasy polıtsııa departamentiniń qyzmetkeri – Dáýren Qamash, 66 kg salmaqta Nur-Sultan qalasy polıtsııa departamentiniń qyzmetkeri Erbolat Qunanbaev úzdik atandy.

Júldegerler «Dınamo Barysy» beldigimen, kýboktarmen jáne gramotalarmen marapattaldy.




















Joǵary qaraı